unfoldingWord 43 - بداية الكنيسة

unfoldingWord 43 - بداية الكنيسة

Outline: Acts 1:12-14; 2

Script Number: 1243

Language: Arabic, Sudanese: Khartoum

Audience: General

Genre: Bible Stories & Teac

Purpose: Evangelism; Teaching

Bible Quotation: Paraphrase

Status: Approved

Scripts are basic guidelines for translation and recording into other languages. They should be adapted as necessary to make them understandable and relevant for each different culture and language. Some terms and concepts used may need more explanation or even be replaced or omitted completely.

Script Text

بعد ما يسوع رجع لسماء، التلاميذ قعدوا في اروشليم زي ما يسوع امرهم. كان المؤمنيين دايما بتلموا سوا عشان يصلوا.

في كل سنة، بعد ٥٠ يوم من عيد الفصح، ، اليهود كانوا بحتفلوا بيوم مهم اسمو عيد الخمسين. عيد الخمسين ده الزمن اليهود كان بحتفلوا فيه بحصاد القمح. اليهود بجوا من كل مكان في العالم لاورشليم عشان يحتفلوا سوا بعيد الخمسين، السنة دي، عيد الخمسين جاء بعد حوالي اسبوع من صعود يسوع للسماء.

لمن المؤمنيين كانوا كلهم مع بعض، فجاءة البيت الكانوا قعدين فيه اتملا بهواء تقيل. بعد داك حاجة زي لهيب نار ظهر علي رووس كل المؤمنيين. كانوا كلهم اتملوا بالروح القدس ومجدوا الله بلغات تانية. دي اللغات الروح القدوس خلاهم يتكلموا بيها.

لمن الناس في اروشليم سمعوا الازعاج ده. جوا سوا في مجموعة كبيرة عشان يشوفوا ده شنو الكان بحصل. سمعوا المؤمنيين كانوا بعلنوا عن الحاجات العظيمة الله عملوا. كانوا مستغربين لانو هم سمعوا الحاجات دي بلغاتهم المحلية.

بعض من الناس ديل قالوا انو التلاميذ كانوا سكرانين. لكن بطرس وقف و قال ليهم: "اسمعوني! الناس ديل ما سكرانين بالعكس، الحاجة الانتو شايفنوا ده القالو يؤئيل النبي انو حيحصل، الله قال: في الايام الاخيرة انا بسكب روحي".

يا رجال اسرائيل، يسوع كان الزول العمل حاجات كتيرة عجيبة عشان يوري انو هو منو. هو عمل حاجات كتيرة عجيبة بقوة الله. انتو بتعرفوا، لانو انتو شوفتوا الحاجات دي. لكن صلبتو!

"يسوع مات، لكن الله قومو من الموت. ده خلا الحاجة الكتبو النبي يكون حقيقة: انت ما بتخلي قدوسك يتعفن في القبر. نحن شهود انو الله قوم يسوع للحياة تاني".

"هسى الله الاب اكرم يسوع و بقاه جالس عن يمينه. ويسوع رسل الروح القدس لينا زي ما هو وعد بيهو. الروح القدس ياهو المسبب الحاجات الانتوا شايفنوا و سامعينوا هسى.

انتو صلبتوا الزول ده، يسوع لكن اعرفوا تماما انو الله خلاهو يكون اتنين سوا اله كل شي و المسيا!

الناس الكانوا سامعين لبطرس اتاثروا شديد بالحاجات الهو قالو. عشان كده سالوا بطرس و التلاميذ، " يا اخوة، نحنا نعمل شنو؟"

بطرس جاوبهم، " كلكم محتاجين عشان الله يغفر خطاياكم. عشان كده توبوا و اتعمدوا كلكم باسم يسوع المسيح. بعد داك الله بديكم الروح القدس كهدية".

تقريبا ٣٠٠٠ نفر امنوا بكلام بطرس وبقوا تلاميذ. عمدوهم وبقوا جزء من الكنيسة في اروشليم.

المؤمنيين استمروا يسمعوا زي ما الرسل علموهم. دايما كانوا بتقابلوا مع بعض، بياكلوا و بصلوا سوا. كانوا بمجدوا الله و بشاركوا كل حاجة عندهم مع بعض. اي زول في المدينة فكر كويس عنهم . كل يوم ناس كتار ببقوا مؤمنيين.

Related information

Words of Life - Audio gospel messages in thousands of languages containing Bible based messages about salvation and Christian living.

Free downloads - Here you can find all the main GRN message scripts in several languages, plus pictures and other related materials, available for download.

The GRN Audio Library - Evangelistic and basic Bible teaching material appropriate to the people's need and culture in a variety of styles and formats.

Copyright and Licensing - GRN shares it's audio, video and written scripts under Creative Commons

Choosing the right audio or video format - What audio and video file formats are available from GRN, and which one is best to use?