unfoldingWord 43 - ການເລີ່ມຕົ້ນຂອງຄຣິສຕະຈັກ

unfoldingWord 43 - ການເລີ່ມຕົ້ນຂອງຄຣິສຕະຈັກ

Outline: Acts 1:12-14; 2

Script Number: 1243

Language: Lao

Audience: General

Genre: Bible Stories & Teac

Purpose: Evangelism; Teaching

Bible Quotation: Paraphrase

Status: Approved

Scripts are basic guidelines for translation and recording into other languages. They should be adapted as necessary to make them understandable and relevant for each different culture and language. Some terms and concepts used may need more explanation or even be replaced or omitted completely.

Script Text

ຫຼັງຈາກພຣະເຢຊູສະເດັດຄືນສູ່ສະຫວັນ ພວກສາວົກກໍຍັງອາໄສຢູ່ໃນນະຄອນເຢຣູຊາເລັມຕາມທີ່ພຣະເຢຊູໄດ້ສັ່ງເຂົາໄວ້. ບັນດາຄົນທີ່ເຊື່ອຫຼາຍຄົນໄດ້ຮວມຕົວກັນເພື່ອອະທິຖານແລະນະມັດການຢ່າງສະໝ່ຳສະເໝີ.

ທຸກໆປີຫຼັງຈາກ 50 ວັນເທດສະການປັດສະຄາ, ຊາວຢິວຈະສະເຫຼີມສະຫຼອງເທດສະການທີ່ສຳຄັນຄືເທດສະການເພັນເຕຄໍສະເຕ. ເທດສະການເພັນເຕຄໍສະເຕແມ່ນຊ່ວງເວລາທີ່ຊາວຢິວຈະສະເຫຼີມສະຫຼອງເຖິງການເກັບກ່ຽວຂອງພວກເຂົາ. ຊາວຢິວຈາກທົ່ວໂລກຈະມາຮ່ວມກັນທີ່ນະຄອນເຢຣູຊາເລັມເພື່ອຮ່ວມສະເຫຼີມສະຫຼອງເທດສະການເພັນເຕຄໍສະເຕນຳກັນ. ໃນປີນີ້ ຊ່ວງເທດສະການເພັນເຕຄໍສະເຕກົງກັບໜຶ່ງອາທິດຫຼັງຈາກທີ່ພຣະເຢຊູໄດ້ສະເດັດຄືນສູ່ສະຫວັນ.

ໃນຂະນະທີ່ພວກເຂົາກຳລັງຮ່ວມກັນນະມັດສະການຢູ່ໃນເຮືອນ ທັນໃດນັ້ນກໍມີສຽງເໝືອນສຽງລົມພາຍຸແຮງເກີດຂຶ້ນໃນເຮືອນນັ້ນ. ແລ້ວກໍມີບາງຢ່າງເປັນເໝືອນແປວໄຟເກີດຂຶ້ນຢູ່ເທິງຫົວຂອງຜູ້ທີ່ເຊື່ອແຕ່ລະຄົນ. ພວກເຂົາເຕັມໄປ ດ້ວຍພຣະວິນຍານບໍລິສຸດແລ້ວພວກເຂົາກໍເລີ່ມເວົ້າພາສາອື່ນໆທີ່ບໍ່ແມ່ນພາສາຂອງພວກເຂົາ.

ເມື່ອປະຊາຊົນໃນເຢຣູຊາເລັມໄດ້ຍິນສຽງອຶກກະທຶກນັ້ນ ພວກເຂົາກໍຮ່ວມໂຕກັນເຂົ້າໄປເບິ່ງວ່າເກີດຫຍັງຂຶ້ນ. ເມື່ອປະຊາຊົນໄດ້ຍິນພວກຜູ້ທີ່ເຊື່ອກຳລັງປະກາດເຖິງສິ່ງອັດສະຈັນຫຼາຍສິ່ງທີ່ພຣະເຈົ້າໄດ້ຊົງກະທຳ. ພວກເຂົາກໍຮູ້ສຶກປະຫຼາດໃຈ ທີ່ພວກເຂົາໄດ້ຍິນສິ່ງເຫຼົ່ານັ້ນໃນພາສາຂອງພວກເຂົາເອງ.

ມີບາງຄົນເວົ້າວ່າພວກອັກຄະສາວົກກຳລັງເມົາເຫຼົ້າ. ແຕ່ເປໂຕຢືນຂຶ້ນແລະກ່າວກັບພວກເຂົາວ່າ, “ຈົ່ງຟັງທາງນີ້! ຄົນພວກນີ້ບໍ່ໄດ້ເມົາເຫຼົ້າ! ແຕ່ເພື່ອເຮັດໃຫ້ສຳເລັດຕາມຜູ້ປະກາດພຣະຄຳຂອງພຣະເຈົ້າໂຢເອນກ່າວໄວ້ວ່າ, ‘ໃນຄາວສຸດທ້າຍນັ້ນເຮົາຈະຖອກເທພຣະວິນຍານຂອງເຮົາລົງໃສ່ມະນຸດທັງປວງ.’”

ຊາວອິດສະລາເອນທັງຫຼາຍເອີຍ, ພຣະເຢຊູຜູ້ທີ່ໄດ້ກະທຳການດີແລະສຳແດງການອັດສະຈັນຕ່າງໆດ້ວຍລິດອຳນາດຈາກພຣະເຈົ້າໃຫ້ພວກເຈົ້າໄດ້ເຫັນແລ້ວ ແຕ່ພວກທ່ານກໍຍັງຄຶງເພິ່ນໄວ້ທີ່ໄມ້ກາງແຂນ.”

ເຖິງວ່າເພິ່ນຈະຕາຍໄປແລ້ວ ແຕ່ພຣະເຈົ້າກໍຊົງບັນດານໃຫ້ເພິ່ນເປັນຄືນມາຈາກຕາຍ. ເພື່ອເຮັດໃຫ້ສິ່ງນີ້ສຳເລັດຕາມຖ້ອຍຄຳຂອງຜູ້ປະກາດພຣະຄຳບອກວ່າ, ‘ທ່ານຈະບໍ່ໃຫ້ຜູ້ຮັບໃຊ້ຂອງພຣະອົງຜູ້ທີ່ບໍລິສຸດເປື່ອຍເນົ່າໃນຂຸມຝັງສົບ.’ ພວກເຮົາເປັນພະຍານວ່າພຣະເຈົ້າໄດ້ຊົງບັນດານໃຫ້ພຣະເຢຊູເປັນຄືນມາຈາກຕາຍແລະມີຊີວິດອີກຄັ້ງ.”

“ບັດນີ້ພຣະເຢຊູໄດ້ຊົງຖືກຍົກຂຶ້ນແລະນັ່ງເທິງເບື້ອງຂວາຂອງພຣະບິດາເຈົ້າ. ແລະພຣະເຢຊູໄດ້ຊົງປະທານພຣະວິນຍານບໍລິສຸດຕາມທີ່ພຣະອົງໄດ້ຊົງສັນຍາໄວ້ແລ້ວ. ສິ່ງທີ່ພວກທ່ານກຳລັງໄດ້ຍິນແລະໄດ້ເຫັນໃນຕອນນີ້ຄືລິດເດດຂອງພຣະວິນຍານບໍລິສຸດ.”

“ພວກທ່ານທັງຫຼາຍໄດ້ຄຶງຊາຍຄົນທີ່ຊື່ວ່າເຢຊູ ແຕ່ບັດນີ້ຈົ່ງຮູ້ເຖີດວ່າ ພຣະເຈົ້າຊົງໃຫ້ພຣະອົງເປັນທັງອົງພຣະຜູ້ເປັນເຈົ້າແລະພຣະເມຊີອາ.”

ປະຊາຊົນທີ່ໄດ້ຟັງເປໂຕກ່າວແລ້ວກໍຮູ້ສຶກເຈັບຊ້ຳແລະກິນແໜງໃຈຫຼາຍ; ສະນັ້ນພວກເຂົາຈຶ່ງຖາມເປໂຕກັບພວກສາວົກຄົນອື່ນໆວ່າ, “ພີ່ນ້ອງເອີຍ, ພວກເຮົາຈະຕ້ອງເຮັດຢ່າງໃດ?”

ເປໂຕຕອບພວກເຂົາວ່າ, “ພວກເຈົ້າທຸກຄົນຕ້ອງຖິ້ມໃຈເກົ່າເອົາໃຈໃໝ່ ແລະຮັບບັບຕິສະມາໃນພຣະນາມຂອງອົງພຣະເຢຊູຄຣິດ ເພື່ອພຣະເຈົ້າຈະໄດ້ອະໄພຄວາມຜິດບາບຂອງພວກເຈົ້າ. ແລ້ວພວກເຈົ້າຈຶ່ງຈະໄດ້ຮັບຂອງປະທານຄືພຣະວິນຍານບໍລິສຸດ.”

ມີປະມານ 3000 ຄົນພາກັນຮັບເຊື່ອແລະກາຍເປັນສາວົກຂອງພຣະເຢຊູ. ພວກເຂົາໄດ້ຮັບບັບຕິສະມາເພື່ອໃຫ້ເປັນສ່ວນໜຶ່ງຂອງຄຣິສຕະຈັກໃນນະຄອນເຢຣູຊາເລັມ.

ສວມລາວົກຄົນອືນໆຍ້ງສືບຕ່ຄຳສ້ງສອມຂອງພວກອກັຄເສາວກົ, ສາມັກຄີທຳຮ່ວມກັນ, ຮັບປະທານອາຫານຮ່ວມກັນ ແລະອະທິຖານເພື່ອເຊິ່ງກັນແລະກັນ. ພວກເຂົາຮ່ວມກັນສັນລະເສີນພຣະເຈົ້າຢ່າງຊົມຊື່ນຍິນດີ. ພວກເຂົາຍັງໄດ້ແບ່ງປັນສິ່ງທີ່ພວກເຂົາມີໃຫ້ກັນແລະກັນ. ພວກເຂົາເປັນຄົນດີໃນສາຍຕາຂອງຄົນທົ່ວໄປ. ທຸກໆວັນມີຄົນທີ່ເຊື່ອເພີ່ມຂຶ້ນເລື້ອຍໆ.

Related information

Words of Life - Audio gospel messages in thousands of languages containing Bible based messages about salvation and Christian living.

Free downloads - Here you can find all the main GRN message scripts in several languages, plus pictures and other related materials, available for download.

The GRN Audio Library - Evangelistic and basic Bible teaching material appropriate to the people's need and culture in a variety of styles and formats.

Copyright and Licensing - GRN shares it's audio, video and written scripts under Creative Commons

Choosing the right audio or video format - What audio and video file formats are available from GRN, and which one is best to use?