unfoldingWord 42 - يسوع يرجع لسماء

unfoldingWord 42 - يسوع يرجع لسماء

Outline: Matthew 28:16-20; Mark 16:12-20; Luke 24:13-53; John 20:19-23; Acts 1:1-11

Script Number: 1242

Language: Arabic, Sudanese: Khartoum

Audience: General

Genre: Bible Stories & Teac

Purpose: Evangelism; Teaching

Bible Quotation: Paraphrase

Status: Approved

Scripts are basic guidelines for translation and recording into other languages. They should be adapted as necessary to make them understandable and relevant for each different culture and language. Some terms and concepts used may need more explanation or even be replaced or omitted completely.

Script Text

في يوم الكان الله قوم يسوع من الموت، اتنين من تلاميذو كانوا ماشين لمدينة قريبة. لمن كانوا ماشين، بتكلموا عن الحصل ليسوع كان عندهم الامل انو يكون المسيا، لكن قتلوه. هسى النسوان قالوا هو حي تاني. هم ما عرفوا يصدقوا شنو.

يسوع قرب ليهم و بداء يمشي معهم، لكن ما عرفوه. سالهم بتكلموا عن شنو. كلموا عن كل حاجات الحصل ليسوع في خلال الايام الفاتت. كانوا بفتكروا انو بتكلموا مع غريب ما عارف شنو الحاصل في اورشليم.

بعد داك يسوع شرح ليهم الحاجة القالو كلمة الله عن المسيا. من زمان، الانبياء قالوا في ناس اشرار بخلوا المسيا يتعذب و يموت. لكن الانبياء كمان قالوا انو حيقوم تاني في اليوم التالت.

لمن وصلوا المدينة الكان اتنين رجال دايرين ينزلوا فيهو، كان قريب للمساء. عزموا يسوع يقعد معاهم، عشان كده مشي معهم البيت. قعدوا عشان ياكلوا العشاء. يسوع شال قطعة رغيف، شكر الله من اجلو، وكسرو. فجاءة، عرفوا انو ده كان يسوع. لكن في نفس الزمن، اختفي من عيونهم.

الاتنين رجال قالوا لبعضهم، "ده كان يسوع! عشان كده كنا فرحانين لمن شرح لينا كلمة الله!" طوالي، هم رجعوا لاروشليم. لمن وصلوا، قالوا للتلاميذ، "يسوع حي! نحن شوفناه!"

لمن التلاميذ كانوا بتكلموا، فجاة يسوع ظهر ليهم في الغرفة. هوقال: "سلام لكم!" التلاميذ افتكروه شبح، لكن يسوع قال: "ليه انتو خايفين؟ ليه انتو ما بتفتكروا انو ده انا يسوع بالحقيقة؟ شوفوا يديني و رجليني. الاشباح ما عندهم جسم زيي" عشان يوري انو هو ما شبح، هو طلب حاجة عشان ياكل. هم ادوا قطعة سمك و اكل.

يسوع قال: "اي حاجة كلمة الله قالو عني حيحصل، و القولتو ليكم لازم يحصل" بعد داك يسوع خلاهم يفهموا كلمة الله كويس. هو قال: "قبل كده الانبياء كتبوا انو انا، المسيا، حاتعذب، بموت و بقوم في اليوم التالت".

"الانبياء برضو كتبوا انو تلاميذي حيعلنوا رسالة الله. حيكلموا كل زول عشان يتوب. لو عملوا الله بيغفر خطاياهم. تلاميذي بيبدوا حينادوا رسالتي من اروشليم. بعد داك حيمشوا لكل الناس في كل مكان. انتو شهود علي كل حاجة قلتو و عملتو، وعلي كل شي حصل لي".

خلال الاربعين يوم، يسوع ظهر لتلاميذو مرات كتيرة. ومرة كمان، ظهر لاكثر من ٥٠٠ نفر في نفس الزمن! و اثبت لتلاميذو بطرق كتيرة بانو هو حي، و علمهم عن ملكوت الله.

يسوع قال لتلاميذو، "الله اداني الحق عشان احكم كل واحد في السماء و علي الارض.وعشان تعملوا تلاميذ في كل مجموعات الناس و تعمدوهم بأسم الاب و الابن و الروح القدس .كمان علمهم انو يطيعوا كل حاجة امرتكم بيهو و اتذكروا انو انا حاكون معاكم .

بعد اربعين يوم من قيامة يسوع من الاموات، قال لتلاميذو، "اقعدوا في اروشليم لحدي ما ابوي يديكم قوة هو بيعمل بارسال الروح القدس ليكم". بعد داك يسوع صعد للسماء والسحاب غطاه من عيونهم. ويسوع قعد في يمين الله الاب في السماء عشان يحكم علي كل الحاجات.

Related information

Words of Life - Audio gospel messages in thousands of languages containing Bible based messages about salvation and Christian living.

Free downloads - Here you can find all the main GRN message scripts in several languages, plus pictures and other related materials, available for download.

The GRN Audio Library - Evangelistic and basic Bible teaching material appropriate to the people's need and culture in a variety of styles and formats.

Copyright and Licensing - GRN shares it's audio, video and written scripts under Creative Commons

Choosing the right audio or video format - What audio and video file formats are available from GRN, and which one is best to use?