unfoldingWord 42 - Acahari no Yesu A ido

unfoldingWord 42 - Acahari no Yesu A ido

Outline: Matthew 28:16-20; Mark 16:12-20; Luke 24:13-53; John 20:19-23; Acts 1:1-11

Script Number: 1242

Language: Lopit

Audience: General

Genre: Bible Stories & Teac

Purpose: Evangelism; Teaching

Bible Quotation: Paraphrase

Status: Approved

Scripts are basic guidelines for translation and recording into other languages. They should be adapted as necessary to make them understandable and relevant for each different culture and language. Some terms and concepts used may need more explanation or even be replaced or omitted completely.

Script Text

To holoŋ to nafa ebuhuni Yesu to ye, ofuo ifa hilak efahat honyie ohorik anabo bore na gala aŋhati. Nia nafa oloton isieja, ecirori isi to hirro te nia innofa edwoŋ to Yesu. Ogillok ifa isi hijo ara inyeja hetilahani hati attohe ifa huwo inyeja. Iyyania ojo ŋoruo hijo abe ifa inyeja. Otumo isieja nyo iso ne eruk isie.

Eno Yesu dohose ette loton hosie ojo isieja attenyie holoheru inyeja. Efi inyeja isieja hijo nyo nara ero isieja ojo isi elimak inyeja hirro daŋ inno leduoŋ ifa de to hiram no Yesu to kai innofa efie egigilo isi hijo ero isieja to hatamononi loloru oyen nyo to eduoŋ to Yerusalem.

Hati Yesu elimak to hose hijo hiro no Hollum nyo to hetilahani. Ette inyeja elimak isieja hirro innafa ojo hekilak hijo etigiama iso hetilahani ojo otohoi, hati ebuhu iso inyeja do holoŋ hitahunihi. Nafa eba isieja do bore gala nafa awak huwo luha lohorik haferihini, eino ifa hira iŋalio

Ellilloŋu ifa huwo lohorik Yesu hetolojo hose, nia eruk inyeja. Nafa efie isieja wahan daha ŋiria no iŋalio, adumu Yesu imune ette hiso humo do Hollum te inyeja, ette hibeny inyeja. Tia kwak, ogiluni isieja hijo Yesu hada lie. Ette inyeja litai to hosiere hose.

Ejio huwo ilia lohorik to kwaite hosie hijo Yesu had lia! Inyeja nara oswaha tajia hoi!” Kokwak, ocohori isi a Yerusalem nafa eba isi, elimak isi to efahat, “Owuar Yesu! Egonyu iyohoi inyeja!”

Nafa ho efahat ilia, eidoŋ Yesu tohiji hose to hotwai haji ette hijo, “Himora da hata!” ojo ifa efahat inyeja ena oholio ahayeyani hati ojo Yesu iyebaŋ ite nyo hitofe ekuya, ii wolo has hanaŋ ho hirieti ohejek orru oholio ahayeyak owuon ho hwatek iya inna tiŋ hanaŋ hati awak inyeja etigonyok hijo arru inyeja ara oholio ahayeyani, efi inyeja to hose hilak hirro ettehat. Ette isieja hisio do honye hami ille omuta, ojo inyeja ette hinya.

Ojo Yesu, "Elimak naŋ da hatai hijo, hirro inne innafa egiorohini da naŋ to hiram no Hollum to nia eŋa inyeja hosi hose anyar etiyenik isieja hirro inno Hollum. Inyeja “Egiorohini ifa beren de hijo, "Etigiama iso hetilahani, oye iso atti ebuhu iso to ye do holoŋ hitahunihi."

"Hidofe egiorohini ifa to buk Hollum hijo efahat illalaŋ iso elilimari huwo daŋ hijo hebusak hiyeta hose anyar honyi lorumu hebusahini no hiyeta hose. Egiema iso isi inna, etiara do Yerusalem ette hefie de illuluŋ no huwo bidaŋ tamai era itai hetahutak inno hirro hunna."

To illo holoŋitek tomona aŋwan, ebarita Yesu to efahat honyie hinyahita arria nia, oleyehita to huwo agalik 500 to holoŋi nuha. Etuhutek inyeja to efahat honye to koi arria hijo awar ifa inyeja, ojo inyeja etiyana isieja hiram lobie no Hollum.

Eijo Yesu to efahat honye, "Aiso naŋ da hatai golon daŋ nyia te ido ho ne ta fau, ifeti, itienu illuluŋ no huwo ejo itai etifwotu isieja to fure no Monye ho no lonyi ojo no loholio ille olibo, ejo itai etiyana isieja heruho hirro bidaŋ innia elimak naŋ itai. Igigillo, adule, iso naŋ iko itai holoŋi daŋ."

Da halu ho holoŋitek 40 inna ebuhu ni Yesu to ye, elimak inyeja lefahat honye, "Itolojo to Yerusalem many esiorie Monye hanaŋ itai golon lawoŋ Oholio Lolibo da hatai.” Nia ohuye Yesu ahide eido, emuluahini itiran inyeja tere hose. Etole Yesu ta hani iŋet no Hollum hekumori hirro bidaŋ.

Related information

Words of Life - Audio gospel messages in thousands of languages containing Bible based messages about salvation and Christian living.

Free downloads - Here you can find all the main GRN message scripts in several languages, plus pictures and other related materials, available for download.

The GRN Audio Library - Evangelistic and basic Bible teaching material appropriate to the people's need and culture in a variety of styles and formats.

Copyright and Licensing - GRN shares it's audio, video and written scripts under Creative Commons

Choosing the right audio or video format - What audio and video file formats are available from GRN, and which one is best to use?