unfoldingWord 26 - Isu’n Rongbawlna a Tran

unfoldingWord 26 - Isu’n Rongbawlna a Tran

Outline: Matthew 4:12-25; Mark 1-3; Luke 4

Script Number: 1226

Language: Hmar

Audience: General

Genre: Bible Stories & Teac

Purpose: Evangelism; Teaching

Bible Quotation: Paraphrase

Status: Approved

Scripts are basic guidelines for translation and recording into other languages. They should be adapted as necessary to make them understandable and relevant for each different culture and language. Some terms and concepts used may need more explanation or even be replaced or omitted completely.

Script Text

Setan thlêmnahai Isun a do zo phing chun, a chêngna Galili ram tieng chun Thlarau Thienghlim thilthaw theina hmangin a kîr nawk ta a. Isu chu thuhril le inchûktirin hmuntin a fang vêl a. Mitinin ama chu an inpâk seng a.

Isu chu a seilienna Nazareth khuo a chun a fe a. Chawlni chun, Pathien biekna in ah a fe a. Zawlnei Isai lekhabu an pêk a. Isu chun lekhazuol chu a phêt a, a tiem ta a.

“Riengvaihai kuoma Chanchin Thra hril dingin Pathienin a Thlarau ka chungah a buok a nih, salhai kuoma suokna thu dâm, mitdelhai kuoma mitvar nei nawkna thu dam, lungina intânghai insuoktirna thu hril ding dâmin. Hi hi Lalpa lungawi kum chu a nih,” ti hi.

Chun Isu chu an thrungta a. Mitin mit chu Ama chunga chun a fu ta a. A thu hril chu Messia chanchin a ni ti an hriet a. Isu chun, “Hi Pathien lekha thu hi vawisûn hin in hrieta a hung tlung tah,” a ta. Mi popo chun a thu hril chu mak an ti hle a. “Hi pa hi Josef naupa a ni nawm a nih? an ta.

Chun Isun an kuomah, “Thudik ka hril cheu hi, zawlnei tukhom mani khaw min an lawm ngai nawh, zawlnei Elija damlai chun Israel rama hmeithai tamtak an um a. Kum thum le a chanve ruo sûr naw lai khan hnam dang mi hmeithai kuoma chau ti naw chu Israel rama um hmeithai tu kuoma khom Pathienin Elija a tir nawh,” a ta.

“Chun zawlnei Elisa damlai khom khan Israel ramah vun natna invoi tamtak an um. Nisienlakhom Elisa’n anni tukhom a sukdam nawh. Israelhai hmêlma hotu, Naaman chau kha a sukdam a,” a ta. Chu thu chu mipuiin an hriet chun an lung a sen ta em em a.

Isu chu Nazaret mihaiin inkhawmna ina inthok chun an hnûk suoka, ama an peithlâk theina dingin rawl khova chun an thruoia. Nisienlakhom Isu chu mipui karah a fe thlenga, Nazaret khuo chu a mâksanta a.

Chu hmun chu Isu’n a mâksana, mipui nasatakin ama chu an zuia, a kuoma an hunga, damnaw popo, mitdel dâm, kebai dâm, nasêt dâm le trongtheinawhai dâm an hung thruoia. Anni chu Isu’n a lo sukdam tawl a.

Mi tamtak, ramhuoi zawlhai chu Isu kuoma an hung thruoia. Isu thupêkin ramhuoihai chu mihai sûnga inthoka hung suok dawkin, “Pathien Naupa chu I nih,” tiin an khêka. Mipuihai chun mak an ti a, Pathien an biek ta a.

Chun Isu’n mi sawm le pahni, thruoihruoihai an ti chu a thlanga. Thruoihruoihai chu Isu inchûktirhai ti an nih. Ama an zui a, amaa inthokin an inchûk a.

Related information

Words of Life - Audio gospel messages in thousands of languages containing Bible based messages about salvation and Christian living.

Free downloads - Here you can find all the main GRN message scripts in several languages, plus pictures and other related materials, available for download.

The GRN Audio Library - Evangelistic and basic Bible teaching material appropriate to the people's need and culture in a variety of styles and formats.

Copyright and Licensing - GRN shares it's audio, video and written scripts under Creative Commons

Choosing the right audio or video format - What audio and video file formats are available from GRN, and which one is best to use?