unfoldingWord 25 - Setanin Isu a Thlêm
Outline: Matthew 4:1-11; Mark 1:12-13; Luke 4:1-13
Script Number: 1225
Language: Hmar
Audience: General
Genre: Bible Stories & Teac
Purpose: Evangelism; Teaching
Bible Quotation: Paraphrase
Status: Approved
Scripts are basic guidelines for translation and recording into other languages. They should be adapted as necessary to make them understandable and relevant for each different culture and language. Some terms and concepts used may need more explanation or even be replaced or omitted completely.
Script Text
Isu’n baptisma a chang zo phing chun, Thlarau Thienghlimin thlalêrah a thruoia, chutaka chun ni sawmli le zân sawmli bu a nghei a. Chuongchun Setan a hung inlanga, a thlêm ta a.
Setan chun, “Pathien Naupa I ni chun, hi lunghai hi beiin inchangtir la, fa rawh! a ta.
Isu’n, “Mihriem hi bei chauvin hring naw nihai a, Pathien bauva thu tin suokin hring lem an tih! ti ziek a nih,” tiin a dawn a.
Chun Setanin Isu Tempul sîp zuma a thruoia, “Pathien Naupa I ni chun, tla thla rawh, I chung thua chun a vantirkohai chu thu pêng a ta, an kutin dawm an ti che, chuongnaw chun I kein lung sui hlau rawi I tih,” a ta.
Nisienlakhom Isu’n a dawn a, “Lalpa, i Pathien fie naw ti a ziek a nih,” a ta.
Chun Setan chun Isu chu khawvêl ram popo le a ropuina popo an entira, “Bokkhupin chibai mi bûk la, hieng popo hi pe vong ka ti che,” a ta.
Isu’n a dawna, “Setan, fe hmang dai rawh! Lalpa i Pathien chibai bûk la, ama rong chau bawl rawh, ti Pathien Thua ziek a nih,” a ta.
Isu chu Setan thlêmnahai a chun a tlawm naw a, chuongchun Setan chun a zâmsan ta a. Chun vantirkohai chu an hunga, Isu rong an hung bawl pêk ta a.