unfoldingWord 47 - SiPaulus Ane SiSilas EiPilipi

unfoldingWord 47 - SiPaulus Ane SiSilas EiPilipi

Esquema: Acts 16:11-40

Número de guión: 1247

Idioma: Tajio

Audiencia: General

Tipo: Bible Stories & Teac

Propósito: Evangelism; Teaching

Citación Biblica: Paraphrase

Estado: Approved

Los guiones son pautas básicas para la traducción y grabación a otros idiomas. Deben adaptarse según sea necesario para que sean comprendidas y relevantes para cada cultura e idioma diferentes. Algunos términos y conceptos utilizados pueden necesitar más explicación o incluso ser reemplazados o omitidos por completo.

Guión de texto

Watu siSaulus nonggauka tepelampa eijojoo tepomoiaong eipomarentaong nuRomawi, siia nompamula nepake tetope nuRomawi, “siPaulus”. Vavalii seeleo, siPaulus ane tetagunya siSilas umaꞌo eiKota nuPilipi antau mokarevaa teKareva sanu Mombosi sima siYesus. Siira umaꞌo eipipit nubangkalang sanu eiaang nukota. Eipipit nubangkalang heꞌua tetoo-too neincong nonggane. Eiriꞌua siira netepojaok concoono sotoo tebengkel tetopobaluk tenaus tetopenya siLydia. Siia masanang nonyomba teꞌAlataꞌalanya tetoo-too nuYahudi.

TeꞌAlataꞌala nomboꞌaa teambok niLydia antau nomarcaya tetutuunong sima siYesus, ane siia concoono tetoo-too sanu nomoia eivonuanya binaptis. Siia nongundang siPaulus ane siSilas nomoia eivonuanya, lamai heꞌua siira nomoia ncoono siLydia ane tetoo-too eiriꞌua.

SiPaulus ane siSilas nengkaning-ngkaning netepojaok ncoono tetoo-too eilalong tepongganeong. Tiapeleo pepees siira nelampa umaꞌo ampi heꞌua, sotoo tevotuang bengkel sanu pinentamai nuꞌalus sanu majaat nonuut siira. Nepake teꞌuig nuꞌalus sanu majaat heꞌua siia noramal tegauk-gauk sanu kana majari eitoo, ane siia, tetoporamal, maꞌaala mabari tedoi untuk tetoo-too sanu nomiara siia.

Tevotuang bengkel heꞌua tatarus neroroa pepees siira nelampa, “Tetoo-too eini tevotuang nuꞌAlataꞌala sanu Mapangkat. Siira nonjaritaa eisiꞌemiu iamaꞌo nosalamata!” Siia nengkaning-ngkaning nonggauka heꞌua jaok siPaulus najari nongoungkul.

Ponouꞌongnya vavalii seeleo, watu tevotuang bengkel heꞌua nompamula neroroa, siPaulus negois umaꞌo eisiia ane nonjarita eiꞌalus sanu majaat sanu eilalong nubengkel heꞌua. “Eilalong tetope niYesus Kristus, pesuvung lamai teꞌalaenya.” Selengaan teꞌalus sanu majaat heꞌua nolinjoꞌi siia.

Tetopomiara-topomiara tevotuang bengkel heꞌua majari nongoungkul tutuu! Ane jio umai teꞌalus sanu majaat heꞌua, siira moꞌotoi tevotuang bengkel heꞌua jio maala moramal tegauk-gauk sanu kana majari eitoo-too. Tebatuanya tetoo-too jiongo mombayar eisiira antau noulara tesapa sanu kana majari eisiira.

Karna heꞌua tetopomiara-topomiara tevotuang bengkel heꞌua nongomung siPaulus ane siSilas eitopomimpin-topomimpin nukota lamai teRoma. Tetopomimpin-topomimpin heꞌua nonuju nobobogi siPaulus ane siSilas, lamai heꞌua ntinamaa eipanjara.

Siira nongembe siPaulus ane siSilas eipomoiaong sanu malalok eipanjara ane tepaa niira binalanggu. Eitanga ndoung, siira nogumbuy nomuji teSiopu.

Jio inototoi, najari telindug ane jojoo tebamba nupanjara neteboꞌa. Jojoo terante nutoo-too eilalong nupanjara naꞌalapas.

Lamai heꞌua tekapala nupanjara heꞌua nembaung, ane watu siia neꞌita tebamba-bamba neteboꞌamo, siia nobubuleong. Siia nonyangka jojoo tetahanan nelinjoko, jaok siia seilu momate teꞌalaenya mboto. (Siia moꞌotoi tetopomimpin-topomimpin nukota lamai teRoma kana momate siia karna momatuvayaa tetahanan heꞌua jojoo nelinjoko.) Tapi siPaulus neꞌita siia ane neroroa, “Hee! Inyaa monyilakai teꞌalae niꞌoo mboto. Siꞌami jojoo umai eiriꞌini.”

Tekapala nupanjara heꞌua gugugur watu siia najaok ei siPaulus ane siSilas ane noꞌutanya, “Tesapa sanu kana ugauka antau nosalamata?” SiPaulus nonyimbat, “Parcayamo eiSiopu siYesus, ane siꞌoo ane sorurusmu kana nosalamata.” Lamai heꞌua tekapala nupanjara heꞌua nongomung siPaulus ane siSilas eivonuanya, ane nonambas tepaꞌit-paꞌit niira. SiPaulus nokarevaa teKareva sanu Mombosi sima siYesus eijojoo tetoo eivonuanya.

Tekapala nupanjara, telapinya ane teunga-unganya nomarcaya eisiYesus ane binaptis. Lamai heꞌua tekapala nupanjara nombee eisiPaulus ane siSilas sanu noꞌinang ane siira noramea concoono.

Eieleo vavaliimai tetopomimpin-topomimpin nukota nopeꞌebebas siPaulus ane siSilas ane nomongi eisiira antau molinjoꞌi tePilipi. SiPaulus ane siSilas nonjaoꞌi siLydia ane lasiatoo ntaninya ane lamai heꞌua nolinjoꞌi tekota heꞌua.

SiPaulus ane tetopomimpin-topomimpin nuKristen ntaninya nonggauka tepelampa umaꞌo eikota mabari, nokarevaa ane nomaguru teKareva sanu Mombosi sima siYesus eitoo-too. Siira valii nonulis mabari tesura antau mopoꞌuig teambok ane momaguru tetoo-too sanu nomarcaya eigareja-gareja. Lasiasura heꞌua najari tebuku-buku eilalong tejarita nuꞌAlataꞌala.

Información relacionada

Palabras de Vida - GRN tiene mensajes audios en miles de idiomas que contienen mensajes basados en la Biblia acerca de la salvación y la vida cristiana.

Descargas gratis - Aquí puede encontrar los guiones principales de GRN en varios idiomas y también imágenes y otros materiales relacionados. Todos están disponibles para descargar.

Librería de audio de GRN - Material evangelistico y de enseñanza adecuado a las necesidades y a la cultura en variedad de stilos y formatos

Copyright and Licensing - GRN shares it's audio, video and written scripts under Creative Commons

Choosing the right audio or video format - What audio and video file formats are available from GRN, and which one is best to use?