unfoldingWord 30 - Etidaha Yesu Huwo Hisiha Miyet

unfoldingWord 30 - Etidaha Yesu Huwo Hisiha Miyet

Esquema: Matthew 14:13-21; Mark 6:31-44; Luke 9:10-17; John 6:5-15

Número de guión: 1230

Idioma: Lopit

Audiencia: General

Tipo: Bible Stories & Teac

Propósito: Evangelism; Teaching

Citación Biblica: Paraphrase

Estado: Approved

Los guiones son pautas básicas para la traducción y grabación a otros idiomas. Deben adaptarse según sea necesario para que sean comprendidas y relevantes para cada cultura e idioma diferentes. Algunos términos y conceptos utilizados pueden necesitar más explicación o incluso ser reemplazados o omitidos por completo.

Guión de texto

Efahak Yesu efahat illohonyi anyar elimak ojo hitofe etiyen huwo illo lowuon to misihi hamehame. Nafa acohini isieja amai nafa owanari Yesu, elimak isieja inyeja hirro innafa egiem isieja. Ette Yesu elilloŋu isieja anyar ofu ho inyeja amai no odua wan aŋhati ha hari anyar ofu isieja yirri kai. Hati ette isieja arek to togoli ette hilaŋ fohor na hari to lolo.

Hati owuon ifa huwo aria de illo egonyu Yesu ette hejufuta illo Yesu ebusak togoli. Ette huwo ilia hinyor ahutuk hahari anyar alaŋ ŋati no hari to lolo to hosiere hosi. Hati nafa eba Yesu ho hejufak illohonyie, orumek isieja iluluŋ no huwo eba de beren illo etila inyeja.

Ara ifa iluluŋ no huwo 5000 liawa hamai, obe ifa ŋoruo ho dure ehianahini de. Ette Yesu wana ho mune netok to huwo. To Yesu, owuon ifa huwo ne iya kioro innohosie obe heribitani. Hati ette inyeja hitiyen isieja ojo hitofe ehuhum haŋwak innafa owuon to hiji ho huwo nia.

Te iŋalio no holoŋ nyie ette hejufutak elimak Yesu hijo, "Iŋalio ojo hitofe nobo bore no gala obe eliaha inni, ifuha huwo ade anyar ofu isieja eyani innak hirro ladahat."

Hati ojo Yesu to hejufutak hijo, “Isiara isieja innak hirro hatanya!” Jai eremik, "Iiyohoi higem inne? Ewuon iyohoi ho imuniaha miyet jia ojo ham lohorik hullo hitiŋi."

Ette Yesu elimak hejufutak illohonyie he limak iluluŋ no huwo hotohunyei to hide homiyaŋ, ojo anyar ohunyei te iluluŋi inno huwo 50.

Ette Yesu adumu imuniaha inia miyet ojo ham arik ette inyeja mojo hisio humuo to Hollum to ŋiria.

Ette Yesu hibuny imuniaha ojo ham illo hitiŋi illo hitiŋi ette hiso do hejufak illohonyie hesiara ŋiria to huwo. Ojo hejufak ette etifwotok ŋiria, obe eremik hisaha! Adaha ifa huwo daŋ many ofoŋi.

Nafa atohu isieja daha, ette hejufak eduduhu ŋiria nafa ofitini, oremik ifa gufat tomon harik. Ottu ifa ŋiria daŋ hamai tere ham lohorik iko imuniaha miyet.

Información relacionada

Palabras de Vida - GRN tiene mensajes audios en miles de idiomas que contienen mensajes basados en la Biblia acerca de la salvación y la vida cristiana.

Descargas gratis - Aquí puede encontrar los guiones principales de GRN en varios idiomas y también imágenes y otros materiales relacionados. Todos están disponibles para descargar.

Librería de audio de GRN - Material evangelistico y de enseñanza adecuado a las necesidades y a la cultura en variedad de stilos y formatos

Copyright and Licensing - GRN shares it's audio, video and written scripts under Creative Commons

Choosing the right audio or video format - What audio and video file formats are available from GRN, and which one is best to use?