unfoldingWord 18 - ອານາຈັກຖືກແບ່ງແຍກ

unfoldingWord 18 - ອານາຈັກຖືກແບ່ງແຍກ

Esquema: 1 Kings 1-6; 11-12

Número de guión: 1218

Idioma: Lao

Audiencia: General

Tipo: Bible Stories & Teac

Propósito: Evangelism; Teaching

Citación Biblica: Paraphrase

Estado: Approved

Los guiones son pautas básicas para la traducción y grabación a otros idiomas. Deben adaptarse según sea necesario para que sean comprendidas y relevantes para cada cultura e idioma diferentes. Algunos términos y conceptos utilizados pueden necesitar más explicación o incluso ser reemplazados o omitidos por completo.

Guión de texto

ຫຼັງຈາກຫຼາຍປີຜ່ານໄປ, ດາວິດໄດ້ຕາຍໄປ ແລະ ລູກຊາຍຂອງເພູິ່ນຊື່ ໂຊໂລໂມນ ເລີ່ມຂຶ້ນປົກຄອງປະເທດອິດສະລາເອນແທນ. ພະເຈົ້າເວົ້າກັບໂຊໂລໂມນ ແລະ ຖາມເພິ່ນວ່າ: ເພິ່ນຕ້ອງການຫຍັງຫຼາຍທີ່ສຸດ? ເມື່ອໂຊໂລໂມນຂໍສະຕິປັນຍາ, ພະເຈົ້າໄດ້ພໍໃຈນຳເພິ່ນ ແລະ ເຮັດໃຫ້ລາວເປັນຄົນທີ່ສະຫຼາດທີ່ສຸດໃນໂລກ. ໂຊໂລໂມນໄດ້ເລີ່ມຮຽນຫຼາຍສິ່ງຫຼາຍຢ່າງ ແລະ ເປັນຜູ້ພິພາກສາທີ່ສະຫຼາດທີ່ສຸດ.ພະເຈົ້າຍັງເຮັດໃຫ້ເພິ່ນເປັນຄົນທີ່ລໍ້າລວຍ.

ໃນເຢຣູຊາເລັມ,ໂຊໂລໂມນ ໄດ້ສ້າງພະວິຫານຕາມທີ່ພໍ່ຂອງເພິ່ນ ດາວິດ ໄດ້ວາງແຜນໄວ້ ແລະ ຮີບໂຮມເອົາວັດສະດຸ. ຕອນນັ້ນທຸກຄົນນະມັດສະການ ແລະ ຖວາຍເຄື່ອງບູຊາໃນພະວິຫານນັ້ນ ແທນການເຮັດຢູ່ເຕັ້ນ. ພະເຈົ້າໄດ້ປະກົດ ແລະ ສະຖິດກັບປະຊາຊົນຂອງພຣະອົງໃນພະວິຫານ.

ແຕ່ໂຊໂລໂມນໄດ້ຮັກກັບຍິງຊາວຕ່າງຊາດ. ເພິ່ນບໍ່ເຊື່ອຟັງພຣະເຈົ້າ, ເພິ່ນແຕ່ງງານກັບຍິງຕ່າງຊາດຫຼາຍ ກ່ວາ 1000ຄົນ! ພວກນາງໄດ້ມາຈາກປະເທດຕ່າງໆ ແລະ ນໍາເອົາພະຂອງພວກນາງມານໍາ ແລະບູຊາພະຂອງພວກນາງ. ເມື່ອໂຊໂລໂມນເຖົ້າແກ່, ເພິ່ນໄດ້ນະມັດສະການພະເຫຼົ່ານັ້ນ.

ພຣະເຈົ້າໃຈຮ້າຍໂຊໂລໂມນ ແລະ ລົງໂທດໃນຄວາມບໍ່ສັດຊື່ຂອງເພິ່ນ. ຫຼັງຈາກທີ່ໂຊໂລໂມນຕາຍ, ພຣະເຈົ້າໄດ້ແບ່ງອານາຈັກອິດສະລາເອນເປັນສອງອານາຈັກ.

ຫຼັງຈາກທີ່ໂຊໂລໂມນເສຍຊີວິດລູກຊາຍຂອງລາວຄື: ເຮໂຫໂບອາມ ຂຶ້ນເປັນກະສັດແທນ. ເຮໂຫໂບອາມເປັນຄົນທີ່ໂງ່ຫຼາຍ.ທຸກຄົນໃນອິດສະລາເອນຕ່າງກໍມາໂຮມກັນເພື່ອເປັນພະຍານໃນການຂຶ້ນເປັນກະສັດຂອງເພິ່ນ. ປະຊາຊົນໄດ້ຈົ່ມນໍາເຮໂຫໂບອາມວ່າ: ພໍ່ຂອງເພິ່ນຄືໂຊໂລໂມນບັງຄັບໃຫ້ເຂົາເຮັດວຽກຢ່າງໜັກ ແລະ ເກັບພາສີແພງ.

ເຮໂຫໂບອາມຄົນໂງ່ຈຶ່ງຕອບພວກເຂົາວ່າ: ພວກເຈົ້າຄິດວ່າພໍ່ຂອງເຮົາໃຫ້ພວກເຈົ້າເຮັດວຽກໜັກສັນບໍ? ແຕ່ເຮົາຈະໃຫ້ພວກເຈົ້າເຮັດວຽກໜັກກ່ວາເກົ່າ ແລະ ຈະລົງໂທດພວກເຈົ້າຫຼາຍກ່ວາທີ່ພໍ່ເຮົາເຄີຍເຮັດ.

ສິບຊົນເຜົ່າຂອງອິດສະລາເອນໄດ້ກະບົດຕໍ່ເຮໂຫໂບອາມ, ມີພຽງແຕ່ສອງຊົນເຜົ່າເທົ່ານັ້ນທີ່ສັດຊື່ຕໍ່ເພິ່ນ. ສອງຊົນເຜົ່ານັ້ນໄດ້ກາຍເປັນອານາຈັກຢູດາ

ສ່ວນສິບຊົນເຜົ່າທີ່ເປັນກະບົດນັ້ນ, ໄດ້ແຕ່ງຕັ້ງຊາຍຄົນໜຶ່ງຂຶ້ນປົກຄອງຊື່ວ່າ: ເຣໂຫບອາມ. ເຢໂຮໂບອານໄດ້ຕັ້ງອານາຈັກຂອງລາວຢູ່ພາກເໜືອໃນດິນແດນອິດສະລາເອນ ແລະເຂົາເອີ້ນວ່າ: ອານາຈັກອິດສະລາເອນ.

ເຢໂຣໂບອາມໄດ້ກະບົດຕໍ່ພຣະເຈົ້າ ແລະ ນໍາພາປະຊາຊົນເຮັດບາບ. ເຂົາສ້າງຮູບເຄົາລົບສອງຢ່າງໃຫ້ປະຊາຊົນນະມັດສະການແທນການນະມັດສະການພຣະເຈົ້າ ທີ່ພະວິຫານໃນອານາຈັກຢູດາ.

ອານາຈັກຢູດາ ແລະ ອິດສະລາເອນໄດ້ກາຍເປັນສັດຕູກັນ ແລະ ຕໍ່ສູ້ເຊິ່ງກັນ.

ໃນອານາຈັກໃໝ່ຂອງອິດສະລາເອນ, ກະສັດສ່ວນຫຼາຍເປັນຄົນຊົ່ວ. ກະສັດຫຼາຍອົງຖືກຂ້າໂດຍປະຊາຊົນອິດສະລາເອນທີ່ຢາກຂຶ້ນເປັນກະສັດ.

ກະສັດທຸກອົງ ແລະ ປະຊາຊົນສ່ວນຫຼາຍແມ່ນນະມັດສະການຮູບເຄົາລົບ. ລວມໄປເຖິງການຜິດສິນທໍາທາງເພດ ແລະ ບາງທີກໍຂ້າເດັກນ້ອຍເປັນເຄື່ອງຖວາຍບູຊາ.

ກະສັດຂອງຢູດາເປັນລູກຫຼານຂອງດາວິດ. ບາງກະສັດເປັນຄົນດີ, ປົກຄອງຢ່າງຊອບທໍາ ແລະ ນະມັດສະການພຣະເຈົ້າ. ແຕ່ກະສັດຂອງຢູດາສ່ວນຫຼາຍແມ່ນຊົ່ວຮ້າຍ, ຕິດສິນບົນ ແລະ ນະມັດສະການຮູບເຄົາລົບ. ກະສັດບາງອົງກໍຖວາຍລູກຫົວປີໃຫ້ແກ່ພະຂອງເຂົາ. ປະຊາຊົນສ່ວນຫຼາຍກະບົດຕໍ່ພຣະເຈົ້າ ແລະ ນະມັດສະການຮູບເຄົາລົບ.

Información relacionada

Palabras de Vida - GRN tiene mensajes audios en miles de idiomas que contienen mensajes basados en la Biblia acerca de la salvación y la vida cristiana.

Descargas gratis - Aquí puede encontrar los guiones principales de GRN en varios idiomas y también imágenes y otros materiales relacionados. Todos están disponibles para descargar.

Librería de audio de GRN - Material evangelistico y de enseñanza adecuado a las necesidades y a la cultura en variedad de stilos y formatos

Copyright and Licensing - GRN shares it's audio, video and written scripts under Creative Commons

Choosing the right audio or video format - What audio and video file formats are available from GRN, and which one is best to use?