unfoldingWord 34 - Etiyana Yesu Innamuk Hiyebita
Zusammenfassung: Matthew 13:31-46; Mark 4:26-34; Luke 13:18-21;18:9-14
Skript Nummer: 1234
Sprache: Lopit
Zuschauer: General
Genre: Bible Stories & Teac
Zweck: Evangelism; Teaching
Bibelzitat: Paraphrase
Status: Approved
Skripte dienen als grundlegende Richtlinie für die Übersetzung und Aufnahme in anderen Sprachen. Sie sollten, soweit erforderlich, angepasst werden, um sie für die jeweilige Kultur und Sprache verständlich und relevant zu machen. Einige der verwendeten Begriffe und Konzepte müssen unter Umständen ausführlicher erklärt oder sogar ersetzt oder ganz entfernt werden.
Skript Text
Elimak Yesu hiyebita ariai ine lahabwe no Hollum. Ette ŋacamak hijo, ”Lahabwe no Hollum ara iya hinyomoyi no oyiek lobo tihoni tamana honyie. Iyien iye hijo hinyomoti lo bule ara hadiconi bi daŋ."
"Hati, eŋeno hinyomoti lobule le bolo, ette ŋawoŋ lahitok bi-daŋ le afanu cieŋ hiyiri ta sana innohonyie."
Elimak Yesu nobo hiyebi, ”Lahabwe no Hollum ara iya ahabwuok no eharik hito noŋorwo to hotwai imune inna elilette man esarai abali no hililattai."
"Lahabwe no Hollum ara hitofe itunut ne eŋofok lobo to hotuai mana. Ette lobo tihoni ŋawoŋ ŋaberu itunut ette ŋanuhak inyeja hinyejak. Ette tihoni le hifut bi-no homune hijo ahu inyeja ŋetinyejaŋai hiro bi-daŋ ine owuon to honyi ette inyeja ŋegiemari nyahuo anyar enyaŋuni mana."
"Lahabwe no Hollumk ara hitofe iya yiel nolobis inna ojo awon he-igiem no obolo. Aŋaberu hapoconi lo yiel inyeja itinyejaŋai bi daŋ hirro inne oyita inyeja ette ŋehumari nyahuo nuhe enyaŋari inyeja fau."
Ette Yesu ŋelimak hiyebi to lomuk huwo ille erruk hijo obis hiroo innohosiehosi ojo omiana lomuk huwo. Ojo inyeja, ”Huwo ohorik ofwo ahajii imojit omojori. Lobo lohosie ara hamojoni ho musuru, ojo lobo ara hetidihitani to klesia.”
"Hetimojoni lo Iklesia omojo tiji, 'Humo to hoi Hollum, hijo one naŋa ara tihoni iya lomuk huwo, iya hepihitak hasaŋ inne huwo, huwo ille lobe omijak hukumo no huwo ille eyau ho ŋoruo ine huwo, ojo iya hamojok homusuru ille.'"
"To wolo etidwara naŋ hinyahita arik te isabit ajo naŋa esio iye to many tere nyahuo ha arik ho hirro inne amoju naŋ."
"Hati hamojoni ho musuru oweita inyeja alamarai tere no klesia oriŋa inyeja ahide ito ette hinnaŋ suhe nohonyi ta hana ette mojo Hollum ette hijo, 'Hollum melehini naŋ ara naŋ heyani.'”
Ette Yesu hijo, ”Elimak naŋ dede, Hollum ŋetiru mojo no tihoni le omojo musuru ette ŋapulok hijo era iye tihoni lo obis. Hati obe inyeja awak mojo ne edaha illo iklesia ohu Hollum hisio bisan to tihoni bi-daŋ la anyalam kuya le etidara ojo ohu iso hikaf ahide ŋai le etinyalam kwan nohonyie."