unfoldingWord 29 - Ngaidam Ve Duh Lo Chhiahhlawh Tehkhin Thu
Raamwerk: Matthew 18:21-35
Skripnommer: 1229
Taal: Mizo
Gehoor: General
Genre: Bible Stories & Teac
Doel: Evangelism; Teaching
Bybelaanhaling: Paraphrase
Status: Approved
Skrips is basiese riglyne vir vertaling en opname in ander tale. Hulle moet so nodig aangepas word dat hulle verstaanbaar en relevant is vir elke verskillende kultuur en taal. Sommige terme en konsepte wat gebruik word, het moontlik meer verduideliking nodig of selfs heeltemal vervang of weggelaat word.
Skripteks
Ni khat chu, Peteran Isua hnênah, “Lalpa, ka unauvin vawi engzat nge ka chungah thil tisual sela ka ngaihdam tur? Vawi sarih thlengin em ni ang?”a ti a. Isuan a hnênah, “’Vawi sarih thlengin ka ti lo va che, ‘Vawi sarih hmun sawmsarih thlengin ka ti zawk che a ni!’” a ti a. He thu a sawi hian, Isuan kan ngaidam zêl tur a ni a tihna a ni. Tin, Isuan he tehkhin thu hi a sawi ta a.
Isuan, “Pathian râm chu lalber tu emaw a bawihte hnêna sum chungchang tihfel tum nen in ang ani. A chhiahhlawh zinga pakhat chuan kum 200,000 hlawh hu tangka sum a pu hnenah chuan a ba a.”
“Bawih chuan a leibat chu a rulh theih loh avangin, lal chuan, ‘Amah leh a chhungte a hi a leiba rulhnan sal angin zuar rawh u,’ a ti a.”
“Bawih chu lal hmaah chuan a bawkkhup a, a hnênah, “Khawngaihtakin ka chungah zahngai rih la, ka bat che kha a vaiin ka pe vek ang che,” a ti a. Lal chuan bawih chu a khawngaih ta a, tichuan, a bat chu a ngaidam a, a kaltir ta a.”
“Nimahsela, lal hnên ata a kal chhuah hnu chuan, a bawihpui pakhat a sum thla li hlawh hu sum batu a va hmu a. A bawihpui chu a man a, ‘I bat kha mi pe rawh,’ a ti a.”
“A bawihpui chu a bawkkhup a, a hnenah ‘Khawngaihtakin ka chungah zahngai la, ka bat che kha a zain ka pe vek ang che,’ a ti a. Nimahsela, chutichung pawh chuan, a bawihpui chu a ba a tlak hma loh zawng tânin ah a va khung ta a.”
“Bawih dangte chuan thil thleng chu an hmuhin, an mangang ta êm êm a. Lal hnênah chuan an va kal a, engkim an va hrilh a.”
“Lal chuan bawih chu a kova, a hnênah, ‘Nang bawih sual, mi dil chiam avang khan i bat zawng zawng kha ka ngaidam che a. Chutiang bawk chuan ti ve tur I ni asin,’ a ti a. Lal chu a thinûr ta êm êm a, tichuan, bawih sual chu a bat zawng zawng a tlak hma loh zawng tânin ah a va khung ta a.”
Tin, Isuan, “In thinlunga in unaute in ngaihdam loh chuan hetiang hian ka Pa Vâna miin in chunga a tih dan tûr chu a ni,” a ti a.