unfoldingWord 22 - Waluda hana Yahya
Raamwerk: Luke 1
Skripnommer: 1222
Taal: Arabic, Chadian
Gehoor: General
Genre: Bible Stories & Teac
Doel: Evangelism; Teaching
Bybelaanhaling: Paraphrase
Status: Approved
Skrips is basiese riglyne vir vertaling en opname in ander tale. Hulle moet so nodig aangepas word dat hulle verstaanbaar en relevant is vir elke verskillende kultuur en taal. Sommige terme en konsepte wat gebruik word, het moontlik meer verduideliking nodig of selfs heeltemal vervang of weggelaat word.
Skripteks
Zaman Allah yi kalliim le al umma be wasta hana Ambia, lakin fi muuddad urbumia sana Allah ma kallam lehum. Baad da Allah rasal malak le rajil diin usma Zakaria. Zakaria maah marta Alizabath takiin le Allah. Kuuluhum chaiibo wa ma indum sakiir.
Al malak gaal le Zakaria: « martakh talda lek wileed ti sami Yahya » Allah yammalaah be ruh al Khudus wa hu yi ja’iis al chaab bi laagu al Masih! Zakaria radda leya wa gaal: « Ana ma marti chiiyabna, ma nagdaro naldoh sakiir, kef ana na’arifa kadar kalaamak da hu hakh »
Al malak radda le Zakaria wa gaal: « Allah rasalani, ni balikh lek bachara. Michiil inta ma saddak kalami, inta tabga abkam lahadi yom waluda hana wileed » Tawali Zakaria bigi abkam. Baad da, Zakaria gabal beeta wa khalas marta bigid khalbane.
Wakit Alizabath bigit khalbana hana sitte chaar nabsal malak tawali zaar le Mariam hi di ahlaiitaha le Alizabath. Rajiil wahid usma Yusuf kaarba rasaha le Mariam wa lakin hi di lissa ma chaafad rajiil. Al malak gaal leya: « inti tabge khalbane wa talde wileed wa tu sammu Isa. Yabga Ibni hana Allah al ahli wa yakhim Illa al abad »
Mariam raddad: « kikef al chey da bi kun, ana lissani ma chifta rajiil? » Al malak raddahlaa: « al Ruh al Khudus gudurath Allah hi zuuriki, wa al walat al talde yabga Khudus wa hu yabga Ibn Allah » Khalas Mariam sadakhat kalam malak gaal.
Baad ziiara hana malak, Mariam maachat ti zuur Alizabath. Wakit Mariam wasalaat Alizabath lagaaha, laadi sakiir al fi battuna arrakh. Humman al itneen dol fiiro fi chei al Allah sawa lehum. Baad talata chuur hana ziiarita, Mariam gabalat fi beet.
Baad da Alizabath wildaadlah wileed. Zakaria wa marta Alizabath samo sakhiirum Yahya, zeei kalam al malakh oorahum. Khalas Allah faaka khaschum hana Zakaria hajja. Wa gaal: « Achkhuru Allah achan hu fazza le al chaab! inta, wileedi kaman tabga Nabi hana Allah al aali wa tibachiir le al nas kheef yalgo al affo hana zunubuhum! »