unfoldingWord 13 - Isor Pora Israel Logote Niom Bonaise

Outline: Exodus 19-34

Script Number: 1213

Language: Nagamese

Audience: General

Genre: Bible Stories & Teac

Purpose: Evangelism; Teaching

Bible Quotation: Paraphrase

Status: Approved

Scripts are basic guidelines for translation and recording into other languages. They should be adapted as necessary to make them understandable and relevant for each different culture and language. Some terms and concepts used may need more explanation or even be replaced or omitted completely.

Script Text

Israel laga manukhan ke Lal Samundar pora ulaikena jongol par kurise aru Sinai koa pahar ekta te ahise. Moses it paharte jui-joli-thaka-kata-ghas dikha asile. Utu pahar laga nichete taikhan tombu ghorkhan banaise.

Moses aru Israel manukhanke Isor ineka koise; ‘apunikhan ami laga kotha manikena thakibi aru ami ki kotha milaikena rakhise itu manikena thakibi. Apunikhan ineka korise koile ami apunikhan ke amilaga nijor manu bonabo, ami ke puja kura laga rajyo hobo aru pobitro desh hobo.’

Tin din nimite, Israel manukhan Isor taikhan usorte ahibole taiari kurise. Tetia dhunga nisena Sinai pahar uporte Isor ahise. Akash te badal halakurise aru bijili marise, aru dhunga bisi ahise aru bisi jor pora basi baja laga awaj hunibole paise. Moses tai ekla pahar uporte jaise.

Tetia Isor pora Israel manukhan ke itu kothakhan koise; ‘Ami apunikhan laga Isor Jehovah ase. Ami apunikhan ke Egypt pora ulaikena anise jun jagate apunikhan kini loa noukarkhan hoikena asile. Dusra isorkhan ke puja nakoribi.’

Apunikhan puja kuribo nimite apunikhan ekubi murti nabanabi kilekoile ami apunikhan laga ekta he thaka Isor Jehovah ase. Ami laga nam misa-misi pora nalobi. Sabbath ke manibi aru itu din ke pobitro rakhibi. Apunikhan kam kuribole nimite choi din ase, itu pora sat din laga din ami laga nam te aram koribole aru ami ke mon te rakhibole din ase.’

‘Apuni laga ama aru baba ke sobman kuribi. Khun nakuribi. Bebichari nakuribi. Misa nakobi. Dusra manu laga maiki, tailaga ghor, tailaga ji-ji samankhan ase utukhan dikhikena lobole lalchi nakuribi.’

Itu kothakhan Isor he duita pathor laga tukra te likhidise aru Moses ke utu pathor duita dise. Aru Israel manukhan ke taikhan pora manibole laga dusra niomkhan bisi janaidise. Aru taikhan niomkhan manise koile Isor taikhan uporte tai laga asis dibo aru taikhan ke bachaikena rakhibo koise. Hoilebi taikhan itu niomkhan mananai koile taikhan ke Isor pora sajai dibo koise.

Israel manukhan ke Isor pora ekta dangor tombu-laga-ghor banabole koise - Isor-laga-tombu ghor matise. Utu ghor kineka banabole laga aru ji-ji samankhan bhitor te rakhibo lage taikhan ke koise. Dangor porda ekta banaikena tombu ghor bhitor te kamra duita banabi koise. Jetia Isor utu ghor bhitor te ahibo, tai porda laga pichete he bohibo. Isor ahikena boha laga kamra te khali maha purohit he jabo paribo.

Taikhan ke Isor-laga-tombu-ghor age-te ekta bolidan kura jaga banabole koise. Kun jon pora Isor dia laga niom bhangabo, tai ekta janwar loikena bolidan kura jagate anibo. Aru pujari pora janwar ke marikena bolidan koribo. Ineka kurile utu janwar laga khun pora manu laga pap hatai dibo. Ineka korile Isor utu manu laga pap pahoridibo aru tai Isor usorte sapha dikhijabo. Moses laga bhai Aaron aru Aaron laga khandankhan ke hodai nimite Isor laga pujari laga kam kuribole basi loise.

Taikhan sob Isor ki koise itu sob kuribo aru niomkhan sob manibo koise. Aru taikhan sob ekta Isor lage manukhan ase aru khali tai ke he puja kuribo koise.

Bisi din Moses Sinai pahar uporte thaki jaise aru Isor logote khota koi thakise. Taikhan bisi deri tok ta-te thakise aru itu karone, taikhan alchi hoi jaise. Taekhan laga sona loikena Aaron laga usorte ahise aru taikhan ituke jolaise aru bhoisi-laga-bacha banaise aru utu ke puja kurise. Ineka pora taikhan bisi dangor pap kam kurise.

Aaron itu khanke loikena sona laga bhosi-laga-bacha banaise. Manukhan itu murti ke puja kurise aru janwarkebi marikena itu murti ke pujakhan korise. Taikhan itu pap kam kura nimite Isor bisi khong hoise aru tai khan ke khotom kuribole bisarise. Hoilebi Moses Isor ke binti kurise aru taikhan ke namorabi koise. Aru Isor moses laga prathna hunidise aru taikhan ke khotom kuranai.

Aru ek din Moses Sinai pahar pora nichete ahise. Isor laga Dosta-Niom likhikena thaka pathor-laga-tukra-duita dhurikena ahise. Aru tai bhosi-laga-bacha-laga murti dikhikena bisi ghusa hoise aru pathor tukra bukhi thaka utu ke phelaidise aru bhangaidise.

Aru Moses utu bhosi-laga-bacha-laga murtike loise, ituke juite jolaikena norom kurise, aru mihin korikena pani logote milaikena Israel laga manukhan ke khabole dise. Taikhan uporte digdar ahibo dise aru taikhan bisi murise.

Pathor duita bhangaidia nimite, Moses arubi duita pathor laga tukra katise. Aru tai pahar uporte itukhan ke bukhikena jaise aru manukhan laga galti maph kurudibi koikena prathna kurise. Tailaga prathna Isor hunidise aru manukhanke maph dise. Moses Dosta-Niomkhanke bukhikena pahar nichete ahise. Aru pichete Israel laga manukhan Sinai pahar charikena kosom laga desh phine loi jaise.

Related information

Words of Life - Audio gospel messages in thousands of languages containing Bible based messages about salvation and Christian living.

Free downloads - Here you can find all the main GRN message scripts in several languages, plus pictures and other related materials, available for download.

The GRN Audio Library - Evangelistic and basic Bible teaching material appropriate to the people's need and culture in a variety of styles and formats.

Copyright and Licensing - GRN shares it's audio, video and written scripts under Creative Commons

Choosing the right audio or video format - What audio and video file formats are available from GRN, and which one is best to use?