unfoldingWord 01 - الخليقة
Muhtasari: Genesis 1-2
Nambari ya Hati: 1201
Lugha: Arabic (Sudanese Khartoum)
Mandhari: Bible timeline (Creation)
Hadhira: General
Kusudi: Evangelism; Teaching
Features: Bible Stories; Paraphrase Scripture
Hali: Approved
Hati ni miongozo ya kimsingi ya kutafsiri na kurekodi katika lugha zingine. Yanafaa kurekebishwa inavyohitajika ili kuzifanya zieleweke na kufaa kwa kila utamaduni na lugha tofauti. Baadhi ya maneno na dhana zinazotumiwa zinaweza kuhitaji maelezo zaidi au hata kubadilishwa au kuachwa kabisa.
Maandishi ya Hati
دي الطريقة الله عمل بيها الدنيا من البداية . الله خلق الأرض من مافي، دي كل الحاجات الله عملو في الأرض و السماء, الظاهرة والماظهرة, فى ستة يوم . كانت الدنيا ظلمة وكانت الأرض مافيه اي حاجة ، الله كان ما خلق اي حاجة فى الدنيا و كان روح الله بحوم فوق الموية .
بعد داك الله قال: "خلى يكون فى نور!" و بقى فى نو، الله شاف انو النور كويس وسماهو "نهار". فرقو من الظلام، سماه "ليل". الله خلق النور فى اليوم الاول من الخليقة.
في اليوم التاني من الخليقة، الله قال: "خلى يكون فى فسحة فوق الموية". وبقى فى فسحة. والله سمه فسحة "سماء".
فى اليوم التالت، الله قال: "خلى الموية تلم فى محل واحد و الارض اليابسة تظهر". سمى الارض اليابسة "ارض"، سمى الموية "بحار". الله شاف انو الحاجات الكان خلقها كويسة.
بعداك الله قال: "خلي الأرض تطلع كل انواع الأشجار و النباتات". وده الحصل. الله شاف انو الحاجات الكان خلقها كويسة.
في اليوم الرابع من الخليقة، الله قال: "خلى يكون فى انوار فى السماء" و الشمس، القمر، النجوم ظهروا. الله عملهم عشان يدوا الارض نور، ليفرق الليل من النهار، المواسم و السنين. الله شاف انو الحاجات الكان خلقها كويسة.
في اليوم الخامس، الله قال: "خلى الاحياء تملا الموية، و الطيور تطير فى السماء". ودى الطريقة العمل بيه كل الحاجة البعوم فى الموية وكل الطيور. الله شاف ده كان كويس، و باركهم.
في اليوم السادس من الخليقة، الله قال: "خلي يكون فى الارض كل انواع الحيوانات البرية!" و حصل زى ما الله قال. و كان فى الحيوانات البتعيش مع الناس و الحيوانات البتزحف على الارض و حيوانات الخلا. و الله شاف انو دا كان كويس.
بعداك الله قال: "خلينا نعمل الانسان في صورتنا و يكون زينا. يكونوا مسؤولين عن الارض وكل الحيوانات".
و الله شال شوية تراب، وعمل منو انسان، ونفخ فيه روح الحياة. و راجل دا كان اسمو ادم. و الله عمل الجنة كبير وشال ادم وختاه فىها عشان ادم يعيش فيها، و يهتم بيها.
فى نص الجنة، الله زرع شجرتين خاص، شجرة الحياة و شجرة معرفة الخير و الشر،الله قال لادم ياكل من اى شجرة فى الجنة إلا شجرة معرفة الخير و الشر. ولو هو اكل من الشجرة دي حيموت.
بعد داك الله قال: "ما كويس لراجل يكون براه". عشان مافى اي حيوان بيقدر يكون مساعد لادم.
عشان كده الله خلى ادم ينوم نوم تقيل. و بعد داك الله شال واحد من ضلوع ادم وعمل منو مراة و جابها ليهو.
لما ادم شافها، قال: "اخيرا ! دي واحدة زيي! خلي يسموها مراة، لانو عملوها من الراجل". عشان كده الراجل بخلى ابوه و امو و يكون واحد مع مرتو.
الله عمل الراجل و المراة في صورتو. باركهم وقال ليهم: "حيكون عندكم عيال كتير واملوا الارض!" الله شاف كل الحاجات العمله كان كويس شديد، كان مبسوط بكل الحاجات. و ده كل الحصل فى اليوم السادس من الخليقة.
لمن اليوم السابع جاء، الله انتهي من كل الشغل الكان بيعمل فيه. بارك اليوم السابع و قدسه، لانو فى اليوم ده وقف الشغل. ودي الطريقة الله خلق بيها العالم واي حاجة فيها.