unfoldingWord 33 - قصة المزارع
Disposisjon: Matthew 13:1-23; Mark 4:1-20; Luke 8:4-15
Skriptnummer: 1233
Språk: Arabic (Sudanese Khartoum)
Publikum: General
Hensikt: Evangelism; Teaching
Features: Bible Stories; Paraphrase Scripture
Status: Approved
Skript er grunnleggende retningslinjer for oversettelse og opptak til andre språk. De bør tilpasses etter behov for å gjøre dem forståelige og relevante for hver kultur og språk. Noen termer og begreper som brukes kan trenge mer forklaring eller til og med erstattes eller utelates helt.
Skripttekst
في يوم من الايام، يسوع كان قريب من طرف البحيرة. هو كان بعلم مجموعة كتيرة من الناس. ناس كتار جوا عشان يسمعوه، يسوع ما كان عندو مساحة كافية عشان يكلمهم. عشان كده هو ركب المركب في البحر. قعد فيهو وعلم الناس.
يسوع قال القصة دي. "المزارع مشي عشان يزرع بعض التيراب. لمن هو كان بشتت التيراب بيدو، بعض من التيراب وقع في الطريق. لكن طيور جات و اكلت كلو التيراب ديل".
"بعض من التيراب وقع في ارض حجري، في المكان كان فيه تراب بسيط . التيراب في الارض الحجري قام سريع ، لكن جزوره ما قدر يخش جوا التراب. لمن الشمس طلعت وبقيت سخنه ، الزراعة نشفت و ماتت".
"بعض التيراب وقعت بين الشوك. التيراب ده بدا ينمو، لكن الشوك خنقهم. عشان كده الزراعة القامت من التيراب الفي الارض الشوكية ما انتجت اي حبوب".
"بعض التيراب الوقع في الارض الكويسة. التيراب دا نمى و انتج ٣٠، ٦٠ حتي ١٠٠ مرات زي التيراب الكتير الزرعو. اي زول داير يتبع الله، خلي ينتبه لكلام انا بقوله!"
القصة دي حيرت التلاميذ. عشان كده يسوع شرح، "التيراب هي كلمة الله الطريق هو الزول البسمع كلام الله، لكن ما بفهمو. بعد داك الشيطان بشيل الكلمة منو. ده ياهو الشيطان ما بخليهو يفهم" .
"الارض الحجري ده الزول البسمع كلمة الله و بيقبلو بفرح. لكن لمن يمر بصعوبات، او لمن بعض الناس يسببوا ليهو متاعب، بخلي الله، ما بثق في الله".
"الارض الشوكي ده الزول البيسمع كلمة الله . لكن يبدا يقلق في حاجات كتيرة، بحاول يعمل قروش كتيرة، بحاول يلقى حاجات كتيرة . بعد زمن ما بقدر يحب الله. عشان كده اي حاجة اتعلمو من كلمة الله ما بخليه يرضي الله. هو زي عود القمح الما بنتج اي حبوب".
"لكن التراب الكويس ده الزول البسمع كلمة الله، بيؤمن بيهو و بينتج ثمر".