unfoldingWord 06 - Eisio Hollum de Isako
Kontūras: Genesis 24:1-25:26
Scenarijaus numeris: 1206
Kalba: Lopit
Publika: General
Tikslas: Evangelism; Teaching
Features: Bible Stories; Paraphrase Scripture
Būsena: Approved
Scenarijai yra pagrindinės vertimo ir įrašymo į kitas kalbas gairės. Prireikus jie turėtų būti pritaikyti, kad būtų suprantami ir tinkami kiekvienai kultūrai ir kalbai. Kai kuriuos vartojamus terminus ir sąvokas gali prireikti daugiau paaiškinti arba jie gali būti pakeisti arba visiškai praleisti.
Scenarijaus tekstas
Nafa emarwak Abramo ette lenyi honye, Isako, Obolo alomonyo miji ette Abramo ifahak lobo pit honye amai na lamanyari hilahaŋ honye heyani de Isako, hito noŋorwo.
Alama mai no lohuye isieja na lamanyari hilahaŋ na Abramo. Enyamarie Hollum pity de Rebeka. Ara ifa inyeja ŋaini ilasi Abramo.
Etiraŋ Rebeka ette ebusari haŋ hosie ette ŋaifie ho pit lie, do hiba honye osonyari Isako yamari inyeja.
Nafa obolo manya na Abramo, oye Abramo etutubahini hicoriti innafa esio Hollum do honye te himora de Isako. Ocorok ifa Hollum hijio woyo na Abramo obe iso leriamik ehenuni hati owuon iso Rebeka noŋorwo Isako ania obe isiu durre.
Amojok Isako do Rebeka, esiarari Hollum do honyie owodini Rebeka turot. Ohorro ifa isieja do hotwe ho hotonye ette Rebeka hifi Hollum hijo nyo mahu ohorro isie.
Elimak Hollum do Rebeka hijio. "Afanu iso misihi arrik te durre ille to hotwe hoi. Ohorro iso isie to kwaite hose ojio hito lettok egiama do le tiŋ."
Nafa esini Rebeka lenyirok, ette ŋaisiu hiteri lolodo ojo kwan ara ahofir ette isieja Ifurak Isau. Ojo lahalu esini lelenefita tutunyo ette isieja eifurak inyeja Yakobo.