unfoldingWord 31 - ພຣະເຢຊູຍ່າງເທິງນ້ຳ
Контур: Matthew 14:22-33; Mark 6:45-52; John 6:16-21
Сценарий нөмірі: 1231
Тіл: Lao
Аудитория: General
Мақсат: Evangelism; Teaching
Features: Bible Stories; Paraphrase Scripture
Күй: Approved
Сценарийлер басқа тілдерге аудару және жазу үшін негізгі нұсқаулар болып табылады. Оларды әр түрлі мәдениет пен тілге түсінікті және сәйкес ету үшін қажетінше бейімдеу керек. Пайдаланылған кейбір терминдер мен ұғымдар көбірек түсіндіруді қажет етуі немесе тіпті ауыстырылуы немесе толығымен алынып тасталуы мүмкін.
Сценарий мәтіні
ຫຼັງຈາກທີ່ພຣະເຢຊູໄດ້ບອກໃຫ້ປະຊາຊົນກັບເມືອ ພຣະອົງໄດ້ບອກໃຫ້ສາວົກລົງເຮືອແລະພາຍຂ້າມໄປອີກຟາກໜຶ່ງຂອງທະເລສາບກ່ອນ. ຈາກນັ້ນພຣະອົງກໍຂຶ້ນໄປເທິງພູເຂົາພຽງຄົນດຽວເພື່ອອະທິຖານ. ພຣະອົງອະທິຖານຢູ່ທີ່ນັ້ນຄົນດຽວຈົນເຖິງທ່ຽງຄືນ.
ຈົນເຖິງຕອນກາງຄືນແລ້ວ ແຕ່ພວກສາວົກຍັງຄົງພາຍເຮືອມາຮອດແຕ່ກາງທະເລສາບເທົ່ານັ້ນ ເພາະພວກເຂົາຕ້ອງພາຍເຮືອຕ້ານກັບລົມພາຍຸທີ່ກຳລັງພັດຢ່າງຮຸນແຮງ.
ຫຼັງຈາກພຣະເຢຊູອະທິຖານແລ້ວ ພຣະອົງກໍຍ່າງເທິງໜ້ານ້ຳ! ເພື່ອຂ້າມທະເລສາບໄປຫາເຮືອທີ່ພວກສາວົກຢູ່.
ເມື່ອພວກເຂົາແນມເຫັນພຣະເຢຊູ ກໍເກີດມີຄວາມຢ້ານເພາະພວກເຂົາຄິດວ່າພວກເຂົາກຳລັງເຫັນຜີ. ພຣະເຢຊູຊົງຮູ້ວ່າພວກເຂົາຮູ້ສຶກຢ້ານ ຈິ່ງຮ້ອງໃສ່ພວກເຂົາວ່າ, ຢ່າສູ່ຢ້ານ ນີ້ແມ່ນເຮົາເອງ!”
ແລ້ວເປໂຕກໍເວົ້າກັບພຣະເຢຊູວ່າ, ນາຍເຈົ້າເອີຍ, ຖ້າແມ່ນທ່ານແທ້, ຈົ່ງສັ່ງໃຫ້ຂ້ານ້ອຍຍ່າງເທິງໜ້ານ້ຳໄປຫາພຣະອົງ.” ພຣະເຢຊູຊົງຕອບເປໂຕວ່າ, ຈົ່ງມາເຖີດ!”
ສະນັ້ນເປໂຕຈິ່ງກ້າວອອກຈາກເຮືອແລະຍ່າງເທິງໜ້ານ້ຳໄປຫາພຣະເຢຊູ. ຫຼັງຈາກຍ່າງໄປໄດ້ໄລຍະໜຶ່ງ ລາວກໍບໍ່ຫຼຽວເບິ່ງພຣະເຢຊູ ແຕ່ກັບຫຼຽວໄປເບິ່ງຄື້ນທີ່ພັດເຂົ້າມາຢ່າງຮຸນແຮງນັ້ນ.
ແລ້ວເປໂຕກໍຮູ້ສຶກຢ້ານແລະເລີ່ມຈົມລົງໄປໃນນ້ຳ ລາວຮ້ອງຂຶ້ນວ່າ, “ພຣະເຈົ້າເອີ່ຍ, ຂໍໂຜດຊ່ວຍຂ້ານ້ອຍແດ່ທ້ອນ!” ພຣະເຢຊູຈຶ່ງຍື່ນມືອອກໄປຈັບມືຂອງລາວໄວ້ແລະກ່າວກັບລາວວ່າ, “ໂອ້ຊາຍຜູ້ມີຄວາມເຊື່ອໜ້ອຍເອີຍ, ເປັນຫຍັງເຈົ້າຈຶ່ງສົງໄສ?”
ທັນທີທີ່ພຣະເຢຊູແລະເປໂຕກັບເຂົ້າໄປໃນເຮືອ ແລ້ວພາຍຸກໍສະຫງົບງຽບລົງ. ພວກສາວົກພາກັນປະຫຼາດໃຈແລະເວົ້າກັບພຣະອົງວ່າ, “ຈິງແທ້ແລ້ວ! ທ່ານເປັນພຣະບຸດຂອງພຣະເຈົ້າ.”