unfoldingWord 28 - الشاب الحاكم الغني
Esquema: Matthew 19:16-30; Mark 10:17-31; Luke 18:18-30
Número de guión: 1228
Lingua: Arabic (Sudanese Khartoum)
Público: General
Finalidade: Evangelism; Teaching
Features: Bible Stories; Paraphrase Scripture
Estado: Approved
Os guións son pautas básicas para a tradución e a gravación noutros idiomas. Deben adaptarse segundo sexa necesario para facelos comprensibles e relevantes para cada cultura e lingua diferentes. Algúns termos e conceptos utilizados poden necesitar máis explicación ou mesmo substituírse ou omitirse por completo.
Texto de guión
في يوم من الايام، شاب حاكم غني جاء عشان يتكلم ليسوع و سالو "يا معلم الصالح، انا لازم اعمل شنو عشان يكون عندي الحياة الابدية؟" يسوع قال ليهو: "ليه انت ناديتني صالح؟ في صالح واحد بس وهو الله. لكن لو انت داير يكون عندك حياة ابدية، طيع شريعة الله".
هو سال "ياتوا واحد انا محتاج عشان اطيعو؟" يسوع جاوب "ما تقتل ، ما تزني ، ما تسرق ، ما تكذب اكرم ابوك وامك وحب قريبك زي نفسك".
لكن الشاب قال: " انا اطعت كل الوصايا ديل من زمن كنت ولد . انا لسه محتاج اعمل شنو عشان احيا للابد؟" يسوع عاين ليهو و حباهو.
يسوع جاوب: "لو انت داير تكون كامل، امشي وبيع اي حاجة تملك و ادي القروش للفقراء وحيكون عندك كنز فى السماء. بعد داك تعال و اتبعنى".
لمن الشاب سمع حاجة القالو يسوع ، بقى حزنان شديد . لانو كان غنيان شديد وما داير يدي كل الحاجات البمتلكها .هو رجع ومشي بعيد من يسوع.
بعد داك يسوع قال لتلاميذه "صعب شديد للناس الاغنياء عشان يدخلوا ملكوت الله! نعم ساهل لجمل عشان يدخل من قدة الابرة من انو راجل غنى يدخل ملكوت الله".
لمن التلاميذ سمعوا القالو يسوع ، استغربوا. قالوا "لو زي ده, الله بخلص منو"؟
يسوع عاين لتلاميذه وقال: "مستحيل للناس عشان يخلص انفسهم. لكن مافي حاجة مستحيل عشان الله يعمله".
بطرس قال ليسوع: "نحنا التلاميذ خلينا اي حاجة و تبعناك. مكافأتنا حيكون شنو"؟
يسوع جاوب "اي زول خلي بيوت، اخوان، اخوات، اب، ام ، عيال او ممتلكات عشاني؟ حيلقي زيادة ١٠٠ مرا وكمان حيلقي الحياة الابدية. لكن كتير من الاولين حيكونوا اخرين و كتير من الاخرين حيكونوا اولين".