unfoldingWord 49 - Tepejanjiong Sanu Vuou NuꞌAlataꞌala

unfoldingWord 49 - Tepejanjiong Sanu Vuou NuꞌAlataꞌala

Esquema: Genesis 3; Matthew 13-14; Mark 10:17-31; Luke 2; 10:25-37; 15; John 3:16; Romans 3:21-26, 5:1-11; 2 Corinthians 5:17-21; Colossians 1:13-14; 1 John 1:5-10

Número de guión: 1249

Idioma: Tajio

Audiencia: General

Tipo: Bible Stories & Teac

Propósito: Evangelism; Teaching

Citación Biblica: Paraphrase

Estado: Approved

Los guiones son pautas básicas para la traducción y grabación a otros idiomas. Deben adaptarse según sea necesario para que sean comprendidas y relevantes para cada cultura e idioma diferentes. Algunos términos y conceptos utilizados pueden necesitar más explicación o incluso ser reemplazados o omitidos por completo.

Guión de texto

Sotoo temalaekat nongulara sotoo terandaa tinope siMaria sima siia kana moguungaa teUnga nuꞌAlataꞌala. Karna heꞌua watu siia ulengi marandaa, siia noguungaa teunga langkai ane nonopei-Nya siYesus. Karna heꞌua siYesus heꞌua temanusia ane teUnga nuꞌAlataꞌala.

SiYesus nonggauka nabari tegauk sanu mabaraka sanu nepopoꞌitaa Siia umai teꞌababaraka lamai teꞌAlataꞌala. Siia nelampa eibabok nuogo, nengondoka tebarat, nepeꞌeondok nabari tetoo sanu nepees, nombugo teꞌalus sanu majaat, nogutu tetoo naate netuvuonye, ane nomaꞌinang limaributoo boi nepake limabua teroti ane robua tebau.

SiYesus valii teguru sanu mombosi, ane Siia nonjarita mabaraka karna Siia heꞌua teUnga nuꞌAlataꞌala. Siia nomagurua eisiꞌemiu kanaboi mongagalani tetoo-too ntaninya selio-lio sima siꞌemiu mongagalani teꞌalae niꞌemiu mboto.

Siia valii nomagurua eisiꞌemiu kanaboi mongagalani teꞌAlataꞌala nelabi lamai tesapa-sapa, sima teꞌakakayamu.

SiYesus nonjaritaa teoli nuPomarenta nuꞌAlataꞌala nelabi lamai tesapa-sapa eijuniaa. Mepenting tutuu tetoo majari tetoo nuPomarenta nuꞌAlataꞌala. Ane seilu mentama eilalong tePomarenta nuꞌAlataꞌala, siꞌemiu kanaboi nosalamata lamai tedosamu.

SiYesus nomagurua lasiatoo kana nonarima Siia ane nosalamata, tapi tetoo-too ntaninya jio. Siia nonjaritaa lasiatoo sima tetana sanu mombosi. Siira nonarima teKareva sanu Mombosi sima siYesus ane sinalamata. Tetoo-too ntaninya sima tetana sanu maꞌadal eijalang, eipaio tevuꞌu nujarita nuꞌAlataꞌala jio mentama ane jio mohasila tevua. Tetoo-too heꞌua jio seilu tetutuunong sima siYesus ane jio mentama eipomarenta-Nya.

SiYesus nomagurua sima teꞌAlataꞌala tututuu mongagalani eitoo-too sanu odosa. Siia seilu mongampuni siira ane monjaria siira teunga-unga-Nya.

SiYesus valii nongulara teꞌAlataꞌala nengkeles tedosa. Watu siꞌAdam ane siHawa nonggauka tedosa, tegauk heꞌua inana jojoo tebijanya. Karna heꞌua, jojoo tetoo eijuniaa odosa ane noꞌantaa lamai teꞌAlataꞌala. Ane sima heꞌua, jojoo tetoo najarimo temusu nuꞌAlataꞌala.

Tapi teꞌAlataꞌala nongagalani tutuu jojoo tetoo eijuniaa eini jaok Siia nombeena teUnga-Nya sotootooanaꞌo-Nya antau sisee-see sanu nomarcaya eisiYesus jio nohukum karna tedosanya tapi kana metuvu ncoono Siia seende-endenya.

Karna tedosamu, siꞌemiu osala ane masipato maate. TeꞌAlataꞌala masipato nongoungkul eisiꞌemiu, tapi watu siYesus naate eisalip, Siia nonarima tehukuman niꞌemiu.

SiYesus jiompo odosa, tapi Siia nomile hinukum ane naate simamo tepombee sanu mapacing antau monggagis tedosamu ane tedosa jojoo tetoo eijuniaa. Karna siYesus nombeemo teꞌalaenya mboto, teꞌAlataꞌala maala mongampuni jojoo tedosa, maala valii tedosa sanu majaat tutuu.

Tegauk-gauk sanu mombosi jio maala monyalamata siꞌemiu. Jio umai sanu maala nogauka antau mopoꞌombosi tehubungan ncoono teꞌAlataꞌala. Boi siYesus sanu maala monggagisa tedosa-dosamu. Siꞌemiu kanaboi momarcaya siYesus heꞌua teUnga nuꞌAlataꞌala, ane Siia naate eisalip nombolos siꞌemiu, ane teꞌAlataꞌala netuvua Siia lamai teꞌamateong eieleo totoluaꞌonya.

TeꞌAlataꞌala kana monyalamata jojoo tetoo sanu momarcaya eisiYesus ane monarima Siia simamo teSiopu niira. Tapi Siia jio monyalamata sisee-see sanu jio momarcaya eiSiia. Jio noꞌita siꞌemiu nakaya atau nopukur, telangkai atau tebengkel, meisi atau molumbi, atau eipaio siꞌemiu momoia. TeꞌAlataꞌala mongagalani siꞌemiu ane seilu siꞌemiu momarcaya eisiYesus jaok siꞌemiu maala majari teunga-Nya.

SiYesus noleva siꞌemiu momarcaya eiSiia ane nobaptis. Siꞌemiu momarcaya siYesus heꞌua teMesias, teUnga nuꞌAlataꞌala? Siꞌemiu momarcaya siꞌemiu tetopodosa ane masipato nohukum nuꞌAlataꞌala? Siꞌemiu momarcaya siYesus naate eisalip antau tedosamu nogagisa?

Ane siꞌemiu nomarcaya eisiYesus ane tesapa sanu ginaukaꞌo-Nya eisiꞌemiu, siꞌemiu tetoo nuKristen! TeꞌAlataꞌala nongomungo siꞌemiu nesuvung lamai tepomarenta mondoung nupuang nuseetan ane nongembea siꞌemiu eilalong nupomarenta marava nuꞌAlataꞌala. TeꞌAlataꞌala nongalamo tegauk-gauk sanu meisi ane odosa ane vineenaꞌomo eisiꞌemiu teꞌeseseilu sanu vuou jaok siꞌemiu seilu monggauka sanu mombosi.

Ane siꞌemiu tutuu nomarcaya eisiYesus, teꞌAlataꞌala nongampunimo tedosamu karna tesapa sanu ginauka niYesus. Eꞌeini, siꞌemiu simamo tetagu moꞌosuk nuꞌAlataꞌala, jio simamo temusu.

Ane siꞌemiu tetagu nuꞌAlataꞌala ane tevotuang niYesus, siꞌemiu seilu monuut tepangajar niYesus. Maampo siꞌemiu heꞌua tetoo nuKristen, siꞌemiu ulengi nosoꞌarai monggauka tedosa. Tapi teꞌAlataꞌala nesetia ane nonjarita, ane siꞌemiu nongakui tedosa-dosamu, Siia kana mongampuni siꞌemiu. Siia kana mombee siꞌemiu teꞌuig jio monggauka tedosa.

TeꞌAlataꞌala nongulara eisiꞌemiu monggane, megurui tejarita-Nya, monyomba-Nya concoono tetoo nuKristen sanu ntaninya, ane mongulara eitoo ntaninya tesapa sanu ginaukaꞌo-Nya eisiꞌemiu. Jojoo tesaba eini mondulu siꞌemiu metuvu eilalong nuhubungan niꞌemiu ncoono Siia.

Información relacionada

Palabras de Vida - GRN tiene mensajes audios en miles de idiomas que contienen mensajes basados en la Biblia acerca de la salvación y la vida cristiana.

Descargas gratis - Aquí puede encontrar los guiones principales de GRN en varios idiomas y también imágenes y otros materiales relacionados. Todos están disponibles para descargar.

Librería de audio de GRN - Material evangelistico y de enseñanza adecuado a las necesidades y a la cultura en variedad de stilos y formatos

Copyright and Licensing - GRN shares it's audio, video and written scripts under Creative Commons

Choosing the right audio or video format - What audio and video file formats are available from GRN, and which one is best to use?