unfoldingWord 06 - Kocti Aisakimi Amemi
Esquema: Genesis 24:1-25:26
Número de guión: 1206
Idioma: Gadsup
Audiencia: General
Tipo: Bible Stories & Teac
Propósito: Evangelism; Teaching
Citación Biblica: Paraphrase
Estado: Approved
Los guiones son pautas básicas para la traducción y grabación a otros idiomas. Deben adaptarse según sea necesario para que sean comprendidas y relevantes para cada cultura e idioma diferentes. Algunos términos y conceptos utilizados pueden necesitar más explicación o incluso ser reemplazados o omitidos por completo.
Guión de texto
Abrahami ayokurukan kaonimi wen akac Aisaki anonic emi wantaic emi. Micnonimi Abrahami mana wenic yokam wainta tankanimi yewekem wenic makafac orena wen akac Aisakin anac awiken yinowani tankemi.
Iyac asapac wemi Abrahamin ankum wam makafac orami Kocti mini yokam wainta awiken Rebeka wapac oremi. Weni Abrahamin afac anam wami.
Rebeka mana inditac den eyosiremi wen ankun yere yinkarem mini yokam wainta namac Aisakin amapac wirani yemi. Rebeka orami Aisaki wemi wa maremi.
Abrahami puconin acnaempaci masicden anecne Kocti Abrahamin namac anda uren uwandanuc Aisakinkaci afotafic emi. Kocti Abrahamin ukacden temi en akafandauc iyen yandanteno. Afo Aisakin anac Rebeka akakaen am mararic iyen emi.
Aisaki wen anac Rebeka am maranowani inan tirami Kocti indiremi kar inta arapin demi. Mini inta kanda Rebekan arapin aruewano. Nakac eyafonon tiremi Rebeka Koctimi indaemi.
Kocti Rebekan tamemi, "Mini intauci kam makusandan en arapinke yinteno. Yekanda eran tanda o wewami wen awan wen afakic yokaric mintemi."
Rebeka mini intakanda makemi, oc inta ofac uwocukemi ayomanan wemi wenaren kumemi. Wen awici Isonen tire awic deno. Wen afac kumemi Ison akan danka pakarukemi kumemi, Jekopinen tiren awic deno.