unfoldingWord 04 - ພັນທະສັນຍາຂອງພະເຈົ້າຕໍ່ອັບບຣາຮາມ
![unfoldingWord 04 - ພັນທະສັນຍາຂອງພະເຈົ້າຕໍ່ອັບບຣາຮາມ](https://static.globalrecordings.net/300x200/z01_Ge_12_04.jpg)
Outline: Genesis 11-15
Script Number: 1204
Language: Lao
Theme: Living as a Christian (Obedience, Leaving old way, begin new way); Sin and Satan (Judgement, Heart, soul of man)
Audience: General
Genre: Bible Stories & Teac
Purpose: Evangelism; Teaching
Bible Quotation: Paraphrase
Status: Approved
Scripts are basic guidelines for translation and recording into other languages. They should be adapted as necessary to make them understandable and relevant for each different culture and language. Some terms and concepts used may need more explanation or even be replaced or omitted completely.
Script Text
![](https://static.globalrecordings.net/300x200/z01_Ge_06_05.jpg)
ຫຼັງຈາກໄພນໍ້າຖ້ວມ, ໂລກໄດ້ເກີດມີຄົນອີກຄັ້ງ ແລະ ເຂົາກໍ່ເວົ້າພາສາດຽວກັນ, ແທນທີ່ເຂົາຈະເຕີມເຕັມໂລກຕາມທີ່ພະເຈົ້າບອກ, ເຂົາກັບຢູ່ຮ່ວມກັນ ແລະ ຊ່ວຍກັນສ້າງຕົວເມືອງຂຶ້ນ.
![](https://static.globalrecordings.net/300x200/z01_Ge_11_03.jpg)
ພວກເຂົາພູມໃຈໃນສິ່ງທີ່ເຂົາສ້າງ, ແລະ ບໍ່ໄດ້ສົນໃຈວ່າພະເຈົ້າຈະເວົ້າຫຍັງ. ພວກເຂົາເລີ່ມສ້າງຕຶກທີ່ສູງທີ່ສຸດເພື່ອໄປເຖິງສະຫວັນໄດ້. ພະເຈົ້າເຫັນວ່າຖ້າພວກເຂົາຍັງສືບຕໍ່ເຮັດສິ່ງຊົ່ວຊ້າດັ່ງກ່າວ, ທຸກສິ່ງທີ່ເຂົາເຮັດຈະເຕັມໄປດ້ວຍຄວາມບາບ.
![](https://static.globalrecordings.net/300x200/z01_Ge_11_06.jpg)
ດັ່ງນັ້ນ ພະເຈົ້າຈຶ່ງປ່ຽນໃຫ້ເຂົາທຸກຄົນໃຊ້ພາສາທີ່ແຕກຕ່າງກັນທົ່ວທັງໂລກ. ເມືອງທີ່ເຂົາສ້າງຂຶ້ນມີຊື່ວ່າ: ບາເບວ,ຄວາມໝາຍວ່າ: ສັບສົນ.
![](https://static.globalrecordings.net/300x200/z01_Ge_12_02.jpg)
ຫຼາຍຮ້ອຍປີຫຼັງຈາກນັ້ນ, ພະເຈົ້າໄດ້ເວົ້າກັບຊາຍຜູ້ໜຶ່ງຊື່ວ່າ: ອັບຣາມ. ພະເຈົ້າເວົ້າກັບລາວວ່າ: ເຈົ້າ ແລະ ຄອບຄົວຂອງເຈົ້າ ອອກຈາກເມືອງຂອງເຈົ້າໄປ. ເຮົາຈະມອບດິນແດນໃໝ່ແກ່ເຈົ້າ. ເຮົາຈະອວຍພອນເຈົ້າ ແລະ ເຈົ້າຈະມີຊົນຊາດຢ່າງຫຼວງຫຼາຍ. ເຮົາຈະເຮັດໃຫ້ຊື່ຂອງເຈົ້າເປັນທີ່ຮູ້ຈັກທົ່ວໂລກ. ເຮົາຈະອວຍພອນຜູ້ທີ່ອວຍພອນເຈົ້າ ແລະ ເຮົາຈະຊາບແຊ່ງຜູ້ທີ່ຊາບແຊ່ງເຈົ້າ. ຊົນຊາດທົ່ວໂລກຈະໄດ້ຮັບການອວຍພອນເພາະເຈົ້າ.
![](https://static.globalrecordings.net/300x200/z01_Ge_12_03.jpg)
ອັບຣາມໄດ້ເຮັດຕາມທີ່ພຣະເຈົ້າບອກ, ລາວໄດ້ນໍາເມຍຂອງລາວຊື່ ຊາລາຍ ແລະ ຄົນຮັບໃຊ້ລວມໄປເຖິງທຸກສິ່ງທຸກຢ່າງຂອງລາວໄປສູ່ດິນແດນທີ່ພຣະເຈົ້າຈະມອບໃຫ້ລາວ, ຄືເມືອງການາອານ.
![](https://static.globalrecordings.net/300x200/z01_Ge_12_04.jpg)
ເມື່ອອັບຣາມໄປເຖິງການາອານ ພຣະເຈົ້າໄດ້ກ່າວຕໍ່ອັບຣາມວ່າ: ຈົ່ງຫຼຽວເບິ່ງໄປທົ່ວຈົນສຸດສາຍຕາຂອງເຈົ້າເພາະສິ່ງທີ່ເຈົ້າແນມເຫັນເຮົາຈະມອບໃຫ້ເຈົ້າ ແລະ ເຊື້ອສາຍຂອງເຈົ້າທັງໝົດ ເປັນມໍລະດົກ. ແລ້ວອັບຣາມກໍໄດ້ເຮັດຕາມທີ່ພຣະເຈົ້າບອກ.
![](https://static.globalrecordings.net/300x200/z01_Ge_12_04a.jpg)
ມື້ໜຶ່ງອັບຣາມໄດ້ພົບກັບ ເມຄີຊາເດັກ ປະໂລຫິດໃຫຍ່ຂອງພຣະເຈົ້າ. ເມຄີຊາເດັກໄດ້ອວຍພອນອັບຣາມວ່າ: ຂໍໃຫ້ພຣະເຈົ້າຂອງຈັກກະວານຜູ້ທີ່ເປັນເຈົ້າສະຫວັນ ແລະ ແຜ່ນດິນໂລກນີ້ອວຍພອນອັບຣາມດ້ວຍເຖີດ. ແລ້ວອັບຣາມກໍ່ໄດ້ຖວາຍໜຶ່ງສ່ວນສິບແກ່ເມຄີຊາເດັກ.
![](https://static.globalrecordings.net/300x200/z01_Ge_15_03.jpg)
ຫຼາຍປີຜ່ານໄປ, ແຕ່ອັບຣາມ ແລະ ຊາລາຍກໍຍັງບໍ່ມີລູກ. ພຣະເຈົ້າໄດ້ເວົ້າສັນຍາກັບອັບຣາມວ່າ: ເຈົ້າຈະມີລູກຊາຍ ແລະ ເຊື້ອສາຍຂອງເຈົ້າຈະມີຢ່າງຫຼວງຫຼາຍເໝືອນກັບດວງດາວເທິງຟ້າ. ອັບຣາມເຊື່ອທີ່ພຣະເຈົ້າສັນຍາ. ພຣະເຈົ້າກ່າວວ່າ: ອັບຣາມເປັນຄົນຊອບທໍາເພາະລາວເຊື່ອໃນສິ່ງທີ່ພຣະເຈົ້າສັນຍາ.
![](https://static.globalrecordings.net/300x200/z01_Ge_12_05.jpg)
ແລ້ວພຣະເຈົ້າກໍ່ໄດ້ເຮັດພັນທະສັນຍາກັບອັບຣາມ. ພັນທະສັນຍານັ້ນແມ່ນໄດ້ເຫັນດີທັງສອງຝ່າຍ. ພຣະເຈົ້າກ່າວວ່າ: ເຈົ້າຈະມີລູກຊາຍທີ່ສືບຕໍ່ເຊື້ອສາຍເຈົ້າ. ເຮົາຈະມອບດິນແດນການາອານແກ່ເຊື້ອສາຍຂອງເຈົ້າ. ແຕ່ອັບຣາມກໍຍັງຄົງບໍ່ມີລູກ.