unfoldingWord 16 - المنقذين

unfoldingWord 16 - المنقذين

Outline: Judges 1-3; 6-8; 1 Samuel 1-10

Script Number: 1216

Language: Arabic, Sudanese: Khartoum

Audience: General

Genre: Bible Stories & Teac

Purpose: Evangelism; Teaching

Bible Quotation: Paraphrase

Status: Approved

Scripts are basic guidelines for translation and recording into other languages. They should be adapted as necessary to make them understandable and relevant for each different culture and language. Some terms and concepts used may need more explanation or even be replaced or omitted completely.

Script Text

بعد موت يشوع ، الاسرائيليين خالفوا الله وما اطاعوا ناموسه و ما طردوا باقى الكنعانيين من ارض الموعد . الاسرائيليين بداو يعبدوا الالهة الكنعانية بدل يهوه ، الاله الحقيقى . الاسرائيليين ما كان عندهم ملك وعشان كده اى زول عمل البفتكروا كان صح لانفسهم .

بمخالفتهم لله ، الاسرائيليين بداو اسلوب المتكرر لمرات كتيرة . والاسلوب مشى كده الاسرائيليين بخالفوا الله لسنين كتيرة ، بعد داك الله بيعاقبهم بانو يسمح لاعدائهم يهزموهم ، الاعداء ديل بيسرقوا حاجات الاسرائيليين و بخربوا ممتلكاتهم وبقتلوا كتار منهم و بعدو اعداء اسرائيل يضطهدهم لسنين كتيرة ، الاسرائيليين بتوبوا من خطاياهم بسالوا الله عشان ينقذهم .

وكل مرة الاسرائيليين بتوبوا ، الله بينقذهم . هو عمل ده من خلال اقامة منقذ ، المنقذ ده الزول البحارب ضد اعدائهم و بهزمهم وبعداك حيكون هناك سلام فى الارض و المنقذ بحكمهم كويس. الله رسل منقذين كتير عشان ينقذوا الشعب. الله عمل كده تانى بعد ما هو سمح للمديانيين وهم مجموعة شعب العدو القريب منهم ليهزم الاسرائيليين .

المديانيين شالوا كل محاصيل الاسرائيليين لمدة سبع سنوات . الاسرائيليين كانوا خايفين شديد ، هم ادسوا فى الكراكير ، عشان المديانيين ما يلقوهم . وفى النهاية هم صرخوا عشان الله يخلصهم .

كان فى راجل اسرائيلى اسمو جدعون . فى يوم من الايام ، هو كان بدق الحبوب فى مكان مخفى عشان المديانيين ما يسرقوا . ملاك يهوه ظهر لجدعون و قال: "الله معك ، المحارب العظيم امشى و خلص شعب اسرائيل من المديانيين".

ابو جدعون كان عندو مذبح مخصص لاصنام . اول حاجة الله قال لجدعون عشان يعمله ، انو يهدم المذبح ، لكن جدعون كان خايف من الشعب ، عشان كده انتظر لحدى الليل . بعد داك هدم المذبح و كسره حتة حتة و بنى مذبح جديد لله قريب منو و قدم فيه ذبيحة لله

فى صباح اليوم التانى الشعب شافوا انو فى زول هدم و دمر المذبح و كانوا زعلانين شديد . مشوا بيت جدعون عشان يقتله ، لكن ابو جدعون قال: "ليه انتو بتحاولوا تساعدو الهكم ؟ لو هو اله ، خلى يحمى نفسه !" عشان هو قال كده ، الشعب ما قتلوا جدعون .

بعد داك المديانيين جوا تانى عشان يسرقوا من الاسرائيليين . من شدة ما هم كتار ما ممكن يتحسبوا . جدعون نادى الاسرائيليين سوا عشان يحاربهم . جدعون طلب من الله علامتين عشان يتاكد انو الله حقيقة دايره يخلص اسرائيل .

فى العلامة الاولى جدعون فرش جلد الخروف فى الواطة وطلب من الله انو يخلى ندى الصباح ينزل فى جلد الخروف لكن ما فى الواطة الناشفة . الله عمل داك . فى الليلة التانية طلب انو الواطة تكون لينة و جلد الخروف يكون ناشف . الله عمل داك برضو، عشان العلامتين ديل ، جدعون صدق انو الله حقيقة دايره عشان يخلص اسرائيل من المديانيين .

بعد داك جدعون نادى عساكر عشان يجوا ليه ، و ٣٢٠٠٠ راجل جوا . لكن الله قال ليه انو ديل كتار شديد. عشان كده جدعون رجع ٢٢٠٠٠ الف البيت ، كل الكانوا خايفين عشان يحاربوا . الله قال لجدعون انو لسع عنده رجال كتار . عشان كدا جدعون رجعهم كلهم الا بس ٣٠٠ عسكرى .

فى الليلة داك الله قال لجدعون ، "انزل لمعسكر المديانيين عشان يسمع كلامهم ، لمن تسمع البتكلموا عنه ، انت ما حتخاف عشان تهاجمهم". و فى الليلة داك ، جدعون مشى للمعسكر و سمع عسكرى مديانى بقول لصحبه عن الحاجة الكان حلم بيه . وصحبه قال: " الحلم ده معناه انو جيش جدعون حيهزمنا جيش المديانيين !" لمن جدعون سمع ده ، هو سجد لله .

بعد داك جدعون رجع لعساكره و ادى كل واحد منهم قرن ، قلة من طين و شعلة مشتعلة. هم حاوطوا المعسكر الكان بنوم فيه جيش المديانيين . ٣٠٠ من عساكر جدعون كان عندهم شعلة جو القلل عشان المديانيين ما يشوفوا ضوء الشعل .

بعد داك ، كل عساكر جدعون كسروا قللهم فى وقت واحد ، و فجاة ظهر نار الشعل و نفخوا الابواق و صرخوا ، "السيف ليهوه وجدعون!"

الله شوش المديانيين ، عشان كده بداو يهجموا و يقتلوا بعضهم البعض و جدعون طولى رسل ناس ينادوا كتير من الاسرائيليين عشان يجوا من بيوتهم و يساعدوهم فى مطارد المديانيين . قتلوا عدد كبير منهم و طردوا جزء منهم خارج حدود اسرائيل . ١٢٠,٠٠٠ من المديانيين ماتوا فى اليوم داك و دى الطريقة الله حفظ بيها اسرائيل .

و الشعب دايرين جدعون يبقى ملكهم . جدعون ما خلاهم يعملوا ده و لكن طلب منهم خواتم من دهب الكان شالوها من المديانيين . و الشعب ادى جدعون كمية كبيرة من الدهب .

بعد داك جدعون استخدم الدهب و عمل بيه جبة خاصة زى الكاهن العلى البيلبسوا . و الشعب بدوا يعبده زى الصنم عشان كده الله عاقب اسرائيل تانى عشان هم عبدوا الاصنام . الله خلى اعدائهم يهزموهم . و فى النهاية طلبوا من الله مساعدة تانى و الله رسل ليهم منقذ عشان ينقذهم .

دى نفس الحاجة اتكرر مرات كتيرة . الاسرائيليين بيخطئوا ، الله بيعاقبهم ، يتوبوا و الله برسل ليهم زول ينقذهم . لسنين كتيرة الله رسل منقذين كتير الا نقذوا الاسرائليين من اعدائهم .

فى النهاية ، الشعب سالوا من الله ملك زى ما كل الشعوب التانين عندهم .كانوا دايرين ملك طويل و قوى ، البيقدر يقودهم للحرب . الله ما داير الطلب ده لكن اداهم ملك زى ما كانوا طلبوا .

Related information

Words of Life - Audio gospel messages in thousands of languages containing Bible based messages about salvation and Christian living.

Free downloads - Here you can find all the main GRN message scripts in several languages, plus pictures and other related materials, available for download.

The GRN Audio Library - Evangelistic and basic Bible teaching material appropriate to the people's need and culture in a variety of styles and formats.

Copyright and Licensing - GRN shares it's audio, video and written scripts under Creative Commons

Choosing the right audio or video format - What audio and video file formats are available from GRN, and which one is best to use?